DeFi Indexed Finance-ჰაკერი, რომელმაც 16 მილიონი აშშ დოლარი მოიპარა

DeFi Indexed Finance-ჰაკერი, რომელმაც 16 მილიონი აშშ დოლარი მოიპარა

დეცენტრალიზებული ფინანსების პლატფორმა Indexed Finance, რომელმაც კიბერშეტევის
შედეგად 16 მილიონი დოლარი დაკარგა, მომხმარებლებისთვის კომპენსაციის გადახდას აპირებს.

ჰაკერმა DeFi-ს სისტემური ხარვეზით ისარგებლა და 15 ოქტომბერს, სწრაფი სესხის მექანიზმის
გამოყენებით პროტოკოლი ახალი აქტივებით განაახლა. ამან ინდექსირებული ტოკენების ფასი
შეამცირა, რამაც ბოროტმოქმედს ახალი ტოკენების გამოშვების და განაღდების შესაძლებლობა მისცა.
შედეგად ექვსიდან ორმა აქტივმა DEFI5 და CC10 პროტოკოლებში ღირებულება დაკარგეს.
Indexed Finance-ის წარმომადგენელმა ლოურენს დეიმ (Laurence Day) განაცხადა, რომ მეექვსე აქტივი, FFF მეტა-ინდექსი,
ძლიერ დაზიანებულია, ამიტომ მისი ამოღება მოუწევთ. დანარჩენი სამი ინდექსის ტოკენი
DEGEN, NFTP და ORCL5 კიბერშეტევის დროს არ დაზიანებულა. უახლოეს მომავალში კომპანია პლატფორმის მომხმარებლებისთვის
აქტივების კომპენსაციის გეგმას შეიმუშავებს.

ლოურენს დეის განცხადებით, ჰაკერი 15 ოქტომბერს გამოავლინეს, რადგან „ის დაუდევრად
მოქმედებდა.“ 16 ოქტომბერს, Indexed Finance-ის გუნდმა ჰაკერს ულტიმატუმი წარუდგინა და
აქტივების დასაბრუნებლად დრო შუაღამემდე მისცა. უარის თქმის შემთხვევაში, პლატფორმა
დამნაშავეს სახელის გასაჯაროებითა და მისი ქმედებების შესახებ ინფორმაციის სამართალდამცავი ორგანოებისთვის გაგზავნით დაემუქრა. 17 ოქტომბერს ჰაკერი მეტსახელად ZetaZeroes კავშირზე
გამოვიდა. ბოროტმოქმედმა თავდასხმა განმარტა როგორც „არბიტრაჟი“ და განაცხადა, რომ მის
პოვნას ვერ შეძლებდნენ. „თქვენ წააგეთ. მოგებას მაშინ შეძლებდით, თქვენს გუნდს თქვენ
კლიენტებთან ერთად Balancer-ის პულების მუშაობის პრინციპის გასაგებად ძალისხმევა რომ გაგეწიათ.“

ლოურენსის განმარტებით, პლატფორმამ არ იცის რა უნდა გააკეთოს მომავალში. ჰაკერის ხელწერიდან გამომდინარე შესაძლოა ვივარაუდოთ,
რომ საქმე არასრულწლოვანთან გვაქვს. ლოურენსს არ უთქვამს აპირებენ თუ არა ჰაკერთან შემდგომ მოლაპარაკებებს და სამართალდამცავი
ორგამოებისთვის მიმართვას. DAO-ს წევრი წუხს, რომ ინდუსტრია ძალიან ახალგაზრდაა და ჰაკერების მუდმივ თავდასხმებს ამიტომ განიცდის.
მისი თქმით, DeFi-ს სფეროს კიბერშეტევების თავიდან ასაცილებლად აუდიტორები არ ჰყოფნის და რომ ამ სფეროში კადრების სიმწირეა.

მართლაც, ყოველთვიურად DeFi პლატფორმებზე ერთი, ორი ან მეტი გახმაურებული თავდასხმა ხდება. Bitwise-ის ფინანსური დირექტორი მეტ ჰოგანიც ამის მიზეზად ინდუსტრიის ახალგაზრდობას ასახელებს.

ამავდროულად, კიბერუსაფრთხოების კომპანიებმა ისწავლეს როგორ დაიბრუნონ DeFi-დან მოპარული თანხები. ცოტა ხნის წინ, კიბერუსაფრთხოების ჯგუფმა Lossless DeFi-დან მოპარული აქტივები კომპანია Cream Finance-ს დაუბრუნა და ხარვეზების გამოსავლენი ინსტრუმენტი შესთავაზა.

წყარო: https://bits.media

DeFi Indexed Finance-ჰაკერი, რომელმაც 16 მილიონი აშშ დოლარი მოიპარა