DeFi ტრანზაქციების მოცულობით კრიპტო ბირჟებს უსწრებს

DeFi ტრანზაქციების მოცულობით კრიპტო ბირჟებს უსწრებს

ანალიტიკურმა კომპანია Chainalysis კრიპტოვალუტის ბაზრის გეოგრაფიის შესახებ ანგარიში გამოაქვეყნა,
რომელსაც თან 2020 წლის ივლისიდან დღემდე ტენდენციებისა და ძირითადი მოვლენების მიმოხილვა ახლავს.

Chainalysis ანგარიშის თანახმად, აშშ-ში კრიპტოვალუტის მიმართ ინტერესი მნიშვნელოვნად გაიზარდა. თუ 2020
წლის ივლისში ტრანზაქციების მოცულობა 14,4 მილიარდ დოლარს შეადგენდა, 2021 წლის მაისში 164 მილიარდი
დოლარის რეკორდული მაჩვენებელი დაფიქსირდა. საბაზრო ტრანზაქციების საერთო მოცულობიდან DeFi-ს
პროტოკოლებზე ყოველთვიურად სულ უფრო მეტი ტრანზაქცია მოდის.

ივნისში  DeFi-ს პროტოკოლების მეშვეობით განხორციელებულმა ტრანზაქციებმა მოცულობით ლიცენზირებულ
კრიპტო ბირჟებს ბევრად გადააჭარბა. DeFi-ში ტრანზაქციების რაოდენობის მიხედვით ქვეყნებს შორის რეიტინგის
მეორე ადგილი აშშ-მ დაიკავა, ლიდერობა კი ევროპის ქვეყნებს ერგოთ. 

ტრანზაქციების ყველაზე დიდი მოცულობა DeFi Uniswap პლატფორმაზე შესრულდა – 12 თვის განმავლობაში
100 მილიონი დოლარის ტრანზაქცია. მას მოსდევენ დეცენტრალიზებული ბირჟები dYdX და Compound – თითოეულზე
50 მილიონი დოლარის ტრანზაქციით. შედეგად, DeFi პროექტებმა ტრანზაქციების მოცულობით ისეთ გიგანტებს გაუსწრეს, როგორიცაა Coinbase, Binance US და Kraken.

პლატფორმა DYdX-ის განვითარების წამყვანი სპეციალისტი დევიდ გოგელი (David Gogel) მიიჩნევს, რომ DeFi ბაზრის ზრდა მდიდარი ინსაიდერების შემოდინებით არის
განპირობებული. მან ყურადღება გაამახვილა, რომ შეერთებულ შტატებში ინსტიტუციონალური ინვესტორების უმეტესობა კრიპტოვალუტის ბაზარზე ჯერ კიდევ პირველ
ნაბიჯებს დგამს. სწორედ ამ კლასს იზიდავს DeFi-ს ბაზრის საინვესტიციო შესაძლებლობები.

„ახლა DeFi-ს ბაზრის სამიზნეს  კრიპტოვალუტის ინსაიდერები წარმოადგენენ. ეს ადამიანები დიდი ხანია მოღვაწეობენ ინდუსტრიაში და ახალი აქტივებით ექსპერიმენტირებისთვის საკმარისი სახსრები გააჩნიათ.“

ვებგვერდ DefiLlama- ს თანახმად, DeFi პლატფორმებზე არსებული თანხების მოცულობამ 200 მილიარდ დოლარს გადააჭარბა. 2020 წლის ივნისის ბოლოდან DeFi (TVL) – ში დაბლოკილი აქტივების საერთო რაოდენობა კი გაორმაგდა.

ანალიტიკური კომპანია Chainalysis-ის ანგარიშის თანახმად, კრიპტოვალუტის ტრანზაქციების მოცულობის მიხედვით ევროპა ლიდერობს. 2020 წლის ივლისიდან 2021 წლის
ივნისამდე პერიოდში რეგიონზე ტრანზაქციების მთლიანი მოცულობის 25% მოდის. ტრანზაქციების მოცულობის მკვეთრი ზრდა განსაკუთრებით DeFi სექტორში დაფიქსირდა. აშშ-ს სავალუტო კონტროლის ოფისის ხელმძღვანელი მაიკლ ჰსუ (Michael Hsu) შიშობს, რომ DeFi ინდუსტრია შესაძლოა ეკონომიკის დაცემისა და 2008 წლის ანალოგიური ფინანსური კრიზისის გამომწვევი მიზეზი გახდეს.

წყარო: https://bits.media

DeFi ტრანზაქციების მოცულობით კრიპტო ბირჟებს უსწრებს

ბიტკოინ მაინინგი, კრიპტო მაინინგი, კრიპტონიუსი, კრიპტოსიახლეები, მაინინგი, მაინინგის რეგულირებაBitcoin Mining, Cryptocurrancies, Cryptonews, cryptonews.ge, Green minig, Mining, Regulatios, ბიტკოინ მაინინგი, კრიპტო მაინინგი, კრიპტონიუსი, კრიპტოსიახლეები, მაინინგი, მაინინგის რეგულირებაBitcoin Mining, Cryptocurrancies, Cryptonews, cryptonews.ge, Green minig, Mining, Regulatios, ბიტკოინ მაინინგი, კრიპტო