Digital Currency Group-ს ბრალი დაუმძიმდა
ნიუ-იორკის გენერალური პროკურატურის (NYAG) განცხადებით, Digital Currency Group-ის (DCG) მიერ ჩადენილი თაღლითობის მასშტაბი თავდაპირველ ვარაუდს მნიშვნელოვნად აღემატება და 3 მილიარდამდე დოლარს შეადგენს.
პარასკევს, 9 თებერვალს, NYAG-მა გენერალური პროკურორის ლეტიცია ჯეიმსის (Letitia James) განცხადება გამოაქვეყნა, რომელიც DCG-ის ადმინისტრაციას დანაშაულის ჭეშმარიტი მასშტაბის დამალვაში სდებს ბრალს. ჯეიმსის თქმით, გამოძიების თანახმად, თავდაპირველ სარჩელში მითითებულ რაოდენობასთან შედარებით, დაკრედიტების პროგრამა Gemini Earn-ის თაღლითობის მსხვერპლი გაცილებით მეტი ნიუ-იორკის მოქალაქე გახდა.
„NYAG-ის თავდაპირველი სარჩელი იმ საცალო ინვესტორების ზარალზე იყო ფოკუსირებული, რომლებიც Gemini Earn-ის საინვესტიციო პროგრამაში მონაწილეობდნენ. მას შემდეგ, რაც ნიუ-იორკის სამართალდამცავ ორგანოებში დაზარალებულთა საჩივრების შესვლა დაიწყო, ცხადი გახდა, რომ DCG-ის დახვეწილი თაღლითობის შედეგად კიდევ ბევრი ინვესტორი დარჩა მოტყუებული.“ – აცხადებს პროკურორის ოფისი.
როგორც ლეტიცია ჯეიმსმა განაცხადა, Digital Currency Group-ის თაღლითობის ნამდვილმა მასშტაბმა 3 მილიარდ დოლარს გადააჭარბა , რაც ნიუ-იორკის პროკურატურის თავდაპირველად წარდგენილ მონაცმებზე სამჯერ მეტია.
გასულ კვირას ცნობილი გახდა, რომ გაკოტრებული კრიპტოკრედიტის Genesis Global-ის მენეჯმენტმა, რომელიც Digital Currency Group-ის შვილობილ კომპანიას წარმოადგენს, აშშ-ის ფასიანი ქაღალდების და ბირჟების კომისიის (SEC) მიერ შეტანილ სამოქალაქო სარჩელთან დაკავშირებით შეთანხმებას მიაღწია და 21 მილიონი დოლარის ოდენობის ჯარიმის გადახდას დათანხმდა .
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)