DOGE და SHIB დროულად უნდა მოვიშოროთ

DOGE და SHIB დროულად  უნდა მოვიშოროთ

Bloomberg Intelligence-ის უფროსმა სტრატეგმა მაიკ მაკგლოუნმა მიმ კრიპტოვალუტებში DOGE-სა და SHIB-ში ინვესტირების რისკებთან დაკავშირებით შეშფოთება გამოთქვა.

მაკგლოუნის თქმით, „ეკონომიკური ქარიშხლის“ დროს ბიტკოინი სხვა ციფრული აქტივების დაჩრდილვას განაგრძობს. Dogecoin-ისა და Shiba Inu-ს პერსპექტივები კი ანალიტიკოსის ვარაუდით ბუნდოვანია.

მან DOGE და SHIB-ს წმინდა სპეკულაციური აქტივები უწოდა, რომლებიც ბაზარს უნდა მოცილდნენ.

აშშ-ს ფედერალური სარეზერვო სისტემის (FED) პოლიტიკის გამკაცრებისა და მოსალოდნელი რეცესიის პირობებში, მაკგლუონი ინვესტორებს მოუწოდებს ეს ორი კრიპტოაქტივი რაც შეიძლება მალე მოიშორონ თავიდან.

ეკონომისტმა ისინი 1929 წლის ფინანსურ კრიზისსა და 2000 წლის დოტ-კომების ბუშტს შეადარა.

მაკგლოუნის განმარტებით, საფონდო ბაზრის ძლიერი კორექტირება ბიტკოინზეც კი დიდ ზეწოლას მოახდენს. რაც შეეხება DOGE-ესა და SHIB-ს, ისინი ასეთ რთულ პირობებს ვერ გაუძლებენ.

შესაბამისად, მაკგლოუნის აზრით, ამ ორი კრიპტოვალუტის აღმოფხვრა  კრიპტო ინდუსტრიას სარგებელს მოუტანს. კერძოდ, შექმნის პირობებს ბაზრის უფრო სტაბილური ფუნქციონირებისთვის, დაასკვნა მან.

„თუ ქარიშხალი დავინახე, ამის შესახებ უნდა გაგაფრთხილოთ. ჭარბი ლიკვიდობისა და მაღალი რისკის მქონე სპეკულაციური აქტივებისგან თავის დაღწევა აუცილებელია. Dogecoin და Shiba Inu სხვა არაფერია, თუ არა რეალური სპეკულაციის მექანიზმები. ასობით კრიპტოვალუტა არსებობს, მაგრამ პირველ ადგილზე ყოველთვის მხოლოდ ბიტკოინი დარჩება.“ – თქვა მაკგლოუნმა.

მანამდე, Bloomberg-ის სტრატეგი აცხადებდა, რომ მას მხოლოდ ორი წამყვანი კრიპტოვალუტის – ბიტკოინისა და ეთერიუმის მომავლის სჯერა. რადგან გასული წლის კრიპტო ბაზრის სერიოზული დაცემის დროსაც კი, მათ აქტუალობის შენარჩუნება შეძლეს.