Dogecoin-ის ინფლაცია ცუდია კრიპტოვალუტის ბაზრისთვის
Ripple-ის აღმასრულებელი დირექტორი ბრედ გარლინგჰაუსი მიიჩნევს, რომ ფიატური ფულის ინფლაციის ზრდა კრიპტოვალუტის ბაზრისთვის კარგია,
მაგრამ Dogecoin-ის პოპულარობაში ის კარგს ვერაფერს ხედავს.
აბუ დაბიში გამართულ ფინტექ კონფერენციაზე გამოსვლისას, ბრედ გარლინგჰაუსმა (Brad Garlinghouse) ხაზგასმით აღნიშნა, რომ კრიპტოვალუტა Dogecoin ინფლაციას იმიტომ ექვემდებარება,
რომ მისმა დეველოპერებმა მონეტების რაოდენობაზე მკაცრი ლიმიტი არ დააწესეს და ბევრმა ადამიანმა Dogecoin-ის პოპულარობის კვალდაკვალ შეიძლება იფიქროს, რომ სხვა კრიპტოვალუტებიც მსგავსად არის აგებული.
„ არ ვარ დარწმუნებული, რომ Dogecoin კრიპტოვალუტის ბაზრისთვის რაიმე კარგს აკეთებს. ის ხუმრობით შეიქმნა და მოულოდნელად მოიპოვა ისეთი პოპულარული ადამიანების მხარდაჭერა, როგორიც ილონ მასკია.
მაგრამ მას ინფლაციური დინამიკა აქვს, რის გამოც მე DOGE-ს დიდი ხნით არ გავიჩერებდი. ახლა ჩვენ ათწლეულების მანძილზე ინფლაციის ყველაზე მაღალი მაჩვენებლის მომსწრე ვართ.
ადამიანები, რომლებსაც თავიანთი დანაზოგის ფიატურ ვალუტაში შენახვა არ სურთ, უყურებენ Dogecoin-ს და ფიქრობენ, რა აზრი აქვს მსგავსი დინამიკის მქონე აქტივების შეძენას“- თქვა გარლინგჰაუსმა.
თუმცა, Ripple-ის აღმასრულებელი დირექტორი კრიპტოვალუტის ინდუსტრიის მომავალთან დაკავშირებით უკიდურესად პოზიტიურად არის განწყობილი.
მისი თქმით, აღმოსავლეთი Ripple-ისთვის ყველაზე სწრაფად მზარდი ბაზარი გახდა. და ამის მიზეზად გარლინგჰაუსს კრიპტოვალუტის ბაზრის მკაფიო რეგულირება ესახება.
ეს არის ზუსტად ის, რაც აკლია ბევრ განვითარებულ ეკონომიკას, როგორიცაა შეერთებული შტატები, იაპონია ან შვეიცარია.
მანამდე ბრედ გარლინგჰაუზმა განაცხადა, რომ აშშ-ის ფასიანი ქაღალდებისა და ბირჟების კომისიასთან (SEC) საქმის წარმოებაში დიდი პროგრესი შეინიშნება და იმედოვნებს,
რომ ეს საქმე მომავალ წელს დასრულდება.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)