Dogecoin-ის ქსელში ტრანზაქციების რაოდენობამ დღეში 2 მილიონს მიაღწია
შაბათს, 27 მაისს, Dogecoin-მა ყველა წინა რეკორდი მოხსნა – 24 საათის განმავლობაში ქსელში 2 მილიონზე მეტი ტრანზაქცია განხორციელდა.
შედარებისთვის, ბიტკოინისა და ეთერიუმის შემთხვევაში ტრანზაქციების რაოდენობამ 400 000 და 532 000 ტრანზაქცია შეადგინა.
ასევე 38%-ზე მეტით გაიზარდა Dogecoin-ის ქსელის ჰეშრეიტი. 9 მაისის მდგომარეობით, Dogecoin-ის ჰეშრეიტი 638 TH/s შეადგენდა, სულ რაღაც სამ კვირაში კი, ის 885 TH/s-მდე გაიზარდა, რაც ქსელის მზარდ გავლენასა და გამძლეობაზე მიუთითებს.
ახალი რეკორდი წინა რეკორდიდან 10 დღის შემდეგ დაფიქსირდა – BitInfoCharts-ის მონაცემებით, 17 მაისს Dogecoin-ის ბლოკჩეინზე 1 მილიონზე მეტი ტრანზაქცია განხორციელდა.
როგორც წესი, ამ კრიპტოვალუტის ქსელში დღეში დაახლოებით 20 000 ტრანზაქცია ხდება, თუმცა, 9 მაისს DRC-20 ტოკენის სტანდარტის შემოღებამ ქსელის აქტივობის მყისიერი ზრდა გამოიწვია.
DRC-20 Ethereum-ის ERC-20-ის მიხედვით არის მოდელირებული და ტოკენების შექმნის შესაძლებლობას ბლოკჩეინის „ზემოდან“ იძლევა.
ტრანზაქციების რიცხვის მკვეთრი ზრდის მიუხედავად, DRC-20-ის ამოქმედებით ყველა კმაყოფილი არ არის.
კრიტიკოსები აღნიშნავენ, რომ ამან შესაძლოა ქსელის გადატვირთულობა გამოიწვიოს და Dogecoin-ის გამოყენების მიზნებს ასცდეს.
DOGE ილონ მასკის საყვარელი კრიპტოვალუტაა. მან თავისი განცხადებებით Dogecoin-ის ზრდას ხელი არაერთხელ შეუწყო და Twitter-ის ლოგოზე დროებით DOGE-ს გამოსახულებაც კი განათავსა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)