Dogecoin-ს კრიპტო ინდუსტრიისთვის რეალური სარგებელი არ მოაქვს

Dogecoin-ს კრიპტო ინდუსტრიისთვის რეალური სარგებელი არ მოაქვს

Ripple-ის აღმასრულებელმა დირექტორმა ბრედ გარლინგჰაუსმა საბაზრო კაპიტალიზაციით ყველაზე დიდი მემკოინი – DOGE მისი პრაქტიკული გამოყენების ვარიანტების არარსებობის გამო გააკრიტიკა.

ბრედ გარლინგჰაუსმა (Brad Garlinghouse) კრიპტოვალუტა Dogecoin-ის შესახებ კონფერენცია Consensus 2024-ზე სიტყვით გამოსვლისას ისაუბრა.  Ripple-ის ხელმძღვანელის თქმით, DOGE კრიპტოვალუტის ინდუსტრიაში არსებული სპეკულაციის განსახიერებაა და რეალური პრობლემების მოგვარებას არ ემსახურება. ეს კი იმას ნიშნავს, რომ კრიპტოინდუსტრიას ფართო საზოგადოებისგან აღიარების მიღწევა, ხოლო მარეგულირებლებს კრიპტოვალუტების რეგულირებაში სიცხადის შეტანა გაუჭირდებათ.

„კრიპტო სექტორი სპეკულირების ფარგლებს უნდა გასცდეს. თუმცა, Dogecoin-ის მსგავსი მემკოინები სპეკულაციების შედეგად ვითარდება, რაც ინდუსტრიის ევოლუციისთვის სერიოზულ დაბრკოლებას წარმოადგენს.“ – განაცხადა გარლინგჰაუსმა.

მან აღიარა, რომ Dogecoin-ის წინააღმდეგი არასდროს ყოფილა, თუმცა დარწმუნებული არ არის, რომ შეუძლია ამ კრიპტოაქტივს რეალურ ცხოვრებაში რაიმე სახის გამოყენება მოუძებნოს. ამის მიზეზი ისაა, რომ Dogecoin არ ითვალისწინებს პროექტებს, რომლებიც მიზნად საზოგადოების საჭიროებების დაკმაყოფილებას ისახავს.

გარლინგჰაუსმა მაგალითად საკუთარი პროექტი Ripple მოიყვანა, რომელიც როგორც ტრადიციული გადახდის სისტემების ალტერნატივა სოციალური პრობლემების გადაჭრაზეა ორიენტირებული და სადაც XRP საერთაშორისო გადახდების განსახორციელებლად გამოიყენება.

და მაინც, მემკოინმა SpaceX-ისა და Tesla-ს აღმასრულებელი დირექტორის, ილონ მასკის მხარდაჭერის მოპოვება შეძლო – მისი ტვიტების შემდეგ, DOGE-ს ფასი არაერთხელ გაიზარდა. გასულ წელს The Wall Street Journal-მა გამოაქვეყნა სტატია, რომელშიც ნათქვამია, რომ მასკი Dogecoin-ის განვითარებას ფარულად აფინანსებდა.