Domino’s Pizza ს თანამშრომლებს ხელფასს ბიტკოინებში გადაუხდიან
Immensus Holding-ის განცხადებით, რომელიც ნიდერლანდებში Domino’s Pizza-ს 16 რესტორანს ფლობს, პიცერიის
თანამშრომლებს სურვილის შემთხვევაში საშუალება მიეცემათ ხელფასის ნაწილი ბიტკოინში მიიღონ. გადახდების დამუშავებას
ადგილობრივი ფირმა BTC Direct მოახდენს.
„ჩვენ თანამედროვე კომპანიას წარმოვადგენთ. ჩვენი თანამშრომლების დიდი ნაწილი ახალგაზრდაა. ვხედავთ მათ ინტერესს
ბიტკოინის მიმართ და გვინდა, რომ კრიპტოვალუტების ფლობის შესაძლებლობა მივცეთ.“- ამბობს Immensus-ის თანამფლობელი,
ჯონათან გურევიჩი (Jonathan Gurevich).
Immensus-მა ინიციატივის გახმოვანება ბიტკოინ-პიცის დღეს დაამთხვია, რომელსაც 22 მაისს უკვე მე-11-ე წელია აღნიშნავენ. 11 წლის წინ ჩეხმა ენთუზიასტმა, ლაზლო ჰანეშმა ბიტკოინით პირველი რეალური შენაძენი გააკეთა. მან Papa John’s-ის ორი პიცის საყიდლად მეგობარს 10000 BTC გადაურიცხა. ამ ამბიდან ერთი წლის შემდეგ ბიტკოინის კურსი მნიშვნელოვნად გაიზარდა და ბიტკოინები რომლებიც ჰანეშმა პიცაში გადაიხადა უკვე 100000$-ს გაუტოლდა.
ყოველ წელს მომხმარებლები ითვლიან რა დაუჯდებოდა ჰანეშს პიცები ახლა. პიცის ფასი ყოველწლიურად იზრდება. 2016 წელს 10000 ბიტკოინი 4.4 მილიონ დოლარს უდრიდა, 2017 წელს 10.7 მილიონ დოლარს, 2018-ში 83 მილიონს, 2020 წელს კი უკვე 91.5 მილიონ დოლარს. გასულ შაბათ-კვირას ბიტკოინ-პიცის ღირებულების მორიგი რეკორდი დაფიქსირდა – მიმდინარე კურსით ის ჰანეშს დაახლოებით 400 მილიონი დოლარი დაუჯდებოდა.
„ BTC-ში ყოველთვიური ხელფასი BTC-ში დოლარის საშუალო ღირებულებას შეგვიძლია შევადაროთ.“- ამბობს BTC Direct-ის წარმომადგენელი, ჯერემი მარკუსი.„გრძელვადიან პერსპექტივაში თქვენ გრძელვადიანი და მოკლევადიანი ვოლატილობის ნიველირებას ახდენთ. ეს თანამშრომლებს სარგებელს მოუტანთ, რადგან ფული ავტომატურად მუდმივად მზარდ აქტივში შეენახებათ.“
წყარო: https://bits.media
Domino’s Pizza ს თანამშრომლებს ხელფასს ბიტკოინებში გადაუხდიან
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)