ECB-ს  ევროს ზონაში სტეიბლკოინებზე ვეტოს უფლების მოპოვება სურს

ECB-ს  ევროს ზონაში სტეიბლკოინებზე ვეტოს უფლების მოპოვება სურს

ევროპის ცენტრალურ ბანკს (ECB) სურს ევროს ზონაში სტეიბლკოინების ჩაშვებაზე კონტროლი და ვეტოს უფლება ჰქონდეს, ინფლაციის რისკების შემცირებისა და უსაფრთხო გადახდების უზრუნველყოფისთვის.

ECB-ს განცხადებით, ევროკავშირში კრიპტოაქტივების რეგულირების წესების მიხედვით გაკეთებული იურიდიული დასკვნის თანახმად, გადამწყვეტი სიტყვა ევროს ზონაში სტეიბლკოინების გამოშვება-არგამოშვებაზე ევროპის ცენტრალურ ბანკს უნდა ეკუთვნოდეს. ეს ECB-ს ინფლაციაზე კონტროლის შენარჩუნებისა და გადახდების უსაფრთხოების უზრუნველყოფის შესაძლებლობას მისცემს.

„თუ ასეთი აქტივების ბრუნვა საგადასახადო სისტემასთან ან სქემასთან არის დაკავშირებული, მაშინ ფულად-საკრედიტო პოლიტიკის პოტენციური საფრთხეების შეფასება და საგადასახადო სისტემის შეუფერხებელი მუშაობა ევროპის ცენტრალური ბანკის უშუალო კომპეტენცია უნდა იყოს,“ – ნათქვამია ECB-ს დასკვნაში.

მარეგულირებელმა ასევე დაამატა, რომ კრიპტოაქტივებთან დაკავშირებული წესები უნდა შეიცვალოს და სტეიბლკოინების გამოშვებაზე განაცხადების განხილვისას  ECB-ს პოზიციის გათვალისწინება ევროკავშირის მთავრობისთვის სავალდებულო უნდა გახდეს.

ECB ასევე მოითხოვს სტეიბლკოინების ემიტენტებს წარედგინოთ ლიკვიდობის ისეთივე მკაცრი მოთხოვნები, როგორც ფულადი ბაზრის ფონდებს, მნიშვნელოვანი ფულადი რეზერვების ქონის აუცილებლობის ჩათვლით, რომლებიც კომპანიებს კლიენტების გადინების დროს გაუწევენ დახმარებას.

მარეგულირებლის აზრით, ფირმებმა, რომლებიც რამდენიმე ვალუტაზე მიბმული სტეიბლკოინებით ვაჭრობენ, „როგორც მინიმუმ, უნდა უზრუნველყონ საბოლოო მომხმარებლის ემიტენტის მიმართ პირდაპირი პრეტენზიის, ასევე სარეზერვო აქტივებზე და გამოსყიდვის უფლება.“ 

შეგახსენებთ, რომ გასულ თვეში ECB-ს პრეზიდენტმა, კრისტინ ლაგარდმა ბიტკოინს  „ზედმეტად სპეკულაციური აქტივი“ უწოდა, რომელიც მარეგულირებლის მუდმივ ზედამხედველობას საჭიროებს.

 

წყარო: https://bits.medi