უკრაინის და საფრანგეთის სამართალდამცავებმა ერთობლივი ოპერაციის ფარგლებში დააკავეს ჰაკერების ჯგუფი, რომელიც გამშიფრავი ვირუსის – Egregor-ის მუშაობაზე იყო პასუხისმგებელი.
ბოროტმოქმედების დაკავება საფრანგეთის პოლიციის ხელშეწყობით მოხდა, რომელიც ვირუსის მსხვერპლი კომპანიების გადახდების კვალს გაჰყვა. აღმოჩნდა, რომ გამოსასყიდ თანხას უკრაინის მაცხოვრებლები იღებდნენ. დაკავებულები ეჭვმიტანილნი არიან სხვადასხვა კომპანიების ქსელების გატეხვასა და მათ ინფრასტრუქტურაში Egregor-ის ვირუსის გაშვებაში.
ოპერატორების დაკავების შემდეგ, გამორთულ იქნა დაჯგუფების საიტები დარკნეტზე, გამოსასყიდის გადახდისთვის განკუთვნილი საიტის ჩათვლით, რომელზეც მოპარული ინფორმაციის ნაწილი იყო განთავსებული. ასევე წვდომა შეიზღუდა რესურსზე, სადაც განთავსებული იყო კომპანიების ფაილების გასაშიფრად საჭირო ინსტრუმენტები.
ჰაკერები Egregor-ის ვირუსზე წვდომას წარმოადგენენ როგორც სერვისს. შეტევას უშუალოდ ჰაკერები ახორციელებენ, Egregor-ის ოპერატორები კი ვირუსის გამოყენებისთვის საკომისიოს იღებენ, რომელიც ჩვეულებრივ გამოსასყიდის 20-30%-ს შეადგენს. 2020 წლის 9 დეკემბრიდან Egregor-ის მეშვეობით შეტევების რაოდენობამ საგრძნობლად იკლო.
2020 წელს ვირუსის შეტევა განიცადა რამდენიმე ფრანგულმა კომპანიამ, Ubisoft, Quest France და Gefko-ს ჩათვლით. დეკემბრის დასაწყისში Egregor-ის შეტევა განიცადა საკადრო სააგენტო Randstad-მა, რომელსაც 38 ქვეყანაში აქვს ფილიალი და 38000 თანამშრომელს ითვლის.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)