Tesla-ს და SpaceX-ის აღმასრულებელი დირექტორის, ილონ მასკის სიტყვებით: „ბიტკოინი კარგი რამეა“ (“Bitcoin is a good thing”) და მან უნდა მიიპყროს საზოგადოების ყურადღება. მან თავს ბიტკოინის მხარდამჭერი უწოდა.
„ახლა ვფიქრობ, რომ ბიტკოინი კარგი რამეა. სხვა კრიპტოვალუტებზე არ მაქვს გამოკვეთილი აზრი,“- განაცხადა მასკმა Clubhouse-ზე ონლაინ ჩატის დროს.
ბიზნესმენმა ასევე აღნიშნა, რომ წარსულში ბევრი მეგობარი ურჩევდა ბიტკოინის ყიდვას, თუმცა მან „წვეულებაზე დააგვიანა“ და რომ ბიტკოინი ჯერ კიდევ 2013 წელს უნდა ეყიდა – მაშინ, როდესაც კრიპტოვალუტის შესახებ ერთ-ერთმა მეგობარმა მოუყვა.
„ბიტკოინის მხარდამჭერი ვარ. დავაგვიანე წვეულებაზე, მაგრამ მხარს ვუჭერ. ვფიქრობ, რომ ბიტკოინი ნამდვილად არის საყოველთაო აღიარების ზღვარზე ტრადიციული ფინანსური ბაზრის მონაწილეთა მხრიდან.“
მასკმა ასევე ისაუბრა მის დამოკიდებულებაზე Dogecoin-თან, რომლის შესახებაც მან ადრე დაწერა Twitter-ზე. დეკემბერში მასკის ტვიტებმა Dogecoin-ის 30%-იანი ზრდა გამოიწვიეს. მილიარდერმა განაცხადა, რომ ხანდახან ხუმრობს Dogecoin-ის შესახებ:
„ეს ჩანაწერები უნდა აღიქმებოდეს როგორც ხუმრობა. თქვენ იცით, რომ Dogecoin შექმნილი იყო როგორც ხუმრობა, კრიპტოვალუტების დასაცინად. მაგრამ, ბედისწერას უყვარს ირონია და ყველაზე საინტერესო და ირონიული განვითარება იქნებოდა Dogecoin მომავალში დედამიწის ვალუტა რომ გამხდარიყო.“
შეგახსენებთ, რომ გასულ პარასკევს მასკის ტვიტმა ბიტკოინის ფასი 37 000$-მდე გაზარდა. მასკმა Twitter-ის პროფილის აღწერა შეცვალა და ჩაწერა მხოლოდ ერთი სიტყვა – „ბიტკოინი“. ასევე გამოაქვეყნა ტვიტი ტექსტით: „ეს გარდაუვალი იყო“, რომელიც ბიტკოინს ეხებოდა. შედეგად კრიპტოვალუტის ინდუსტრიას საბითუმო ინვესტორების ზღვა მოაწყდა.
ამ ფონზე კრიპტოვალუტის ბირჟამ Binance დროებით შეაჩერა კრიპტოაქტივების გამოტანა, ახალი მომხმარებლების განაცხადების მოზღვავებული რაოდენობის გამო.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)