ერდოღანი თურქეთი საკუთარი ციფრული ვალუტისთვის იბრძვის

ერდოღანი თურქეთი საკუთარი ციფრული ვალუტისთვის იბრძვის

თურქეთის პრეზიდენტმა რეჯეფ ერდოღანმა განაცხადა, რომ ქვეყანა სახელმწიფო ციფრული ლირისთვის უცხოურ კრიპტოვალუტებთან ომშია ჩართული.

მერსინში 81 პროვინციიდან წარმოდგენილ სტუდენტებთან შეხვედრაზე ერდოღანმა კრიპტოვალუტებზე ისაუბრა. მან
განაცხადა, რომ კრიპტოაქტივების დამკვიდრება ქვეყნის ეკონომიკაში არ იწვევს ხელისუფლების შეშფოთებას და რომ
თურქეთი არ აპირებს კრიპტოვალუტების აკრძალვას, თუმცა, თურქეთს „საკუთარი ციფრული ვალუტისთვის“ ბრძოლა უწევს. პრეზიდენტმა დაამატა, რომ ქვეყანა განაგრძობს საკუთარი ფულის გამოყენებას, რომელიც მისი ეროვნული უსაფრთხოების და იდენტობის ნაწილს წარმოადგენს. 

„ჩვენ მათ არ მივცემთ ჩვენს ფულს. გზას საკუთარი ფულით გავაგრძელებთ, რომელიც მხოლოდ ჩვენი საკუთრებაა.“- განაცხადა ერდოღანმა.

თურქეთის პრეზიდენტის ეს განცხადება თურქული კრიპტო საზოგადოებისთვის მოულოდნელი არ ყოფილა, რადგან
მთავრობა და მარეგულირებელი ორგანოები დასავლური კრიპტოვალუტების მიმართ მტრულად არიან განწყობილი.
თურქული ლირის კურსის შემცირებამ თურქეთის მოქალაქები აიძულა ინფლაციისგან თავის დასაცავად  ფულადი
სახსრების სხვადასხვა კრიპტოვალუტებში მასიურად დაბანდება დაეწყოთ.

კრიპტოვალუტების პოპულარობა და ქვეყნის მასშტაბით მასობრივი გავრცელება გახდა მიზეზი იმისა, რომ თურქეთის ცენტრალურმა ბანკმა პროდუქტებისა და მომსახურების შეძენისას კრიპტოვალუტებით ნებისმიერი სახის ანგარიშსწორება
აკრძალა. ამ გადაწყვეტილების მთავარ მიზეზებად ბანკმა არასრულყოფილი რეგულირება, კრიპტოვალუტების უკიდურესად მაღალი ვოლატილობა და კრიმინალთან კავშირი დაასახელა. 

კრიპტოვალუტებით გადახდის აკრძალვის მიუხედავად კრიპტოვალუტების ფლობა და მათში ინვესტირება არ იკრძალება. თურქეთის კრიპტობირჟებს კრიპტოაქტივებით ვაჭრობა შეუძლიათ, ხოლო მოქალაქეებისთვის P2P ოპერაციებია ხელმისაწვდომი.

თურქეთის პრეზიდენტის ეს განცხადება მაშინ გავრცელდა, როცა ცენტრალურმა ბანკმა CBDC-ს შემუშავებისა და განვითარების ხელშეწყობისთვის ახალი პლატფორმის შექმნის შესახებ გამოაცხადა.

წყარო: https://bits.media

ერდოღანი თურქეთი საკუთარი ციფრული ვალუტისთვის იბრძვის