Ethereum და სხვა ალტკოინები თაღლითური პირამიდებია
კრიპტოვალუტის პოპულარულმა ანალიტიკოსმა და Heisenberg Capital-ის დამფუძნებელმა მაქს კაიზერმა Ethereum-ს და სხვა ალტკოინებს „თაღლითური სქემები“უწოდა.
მისი აზრით, ყურადღებას მხოლოდ ბიტკოინი იმსახურებს.
Kitco News-თან ინტერვიუში მაქს კაიზერმა (Max Keiser) ხაზგასმით აღნიშნა, რომ ყველა ალტკოინს არ გააჩნია ნამდვილად სანდო მახასიათებლები, ისეთი როგორიც პირველ კრიპტოვალუტას აქვს.
მისი თქმით, ინვესტირება მხოლოდ ბიტკოინში ღირს, რადგან ის ნამდვილად დეცენტრალიზებულია, შეზღუდულია მონეტების რაოდენობაში, საიმედოა და მდგრადია „pump and dump“ სქემების მიმართ.
გარდა ამისა, ბიტკოინს არ აქვს „პრემაინის“ კონცეფცია და ყველა მონეტის მოპოვება მაინერების მიერ ხდება.
კაიზერმა ასევე განაცხადა, რომ ალტკოინების სარგებლიანი გამოყენება პრაქტიკულად შეუძლებელია, მათი დეცენტრალიზებული ფინანსების პროექტებში გამოყენება კი მხოლოდ ადასტურებს რომ ეს ყველაფერი თაღლითობაა. რადგან, DeFi-ს პროექტები „ნაცრისფერ ზონაში“მუშაობს და არცერთი მათგანი არ რეგულირდება.
„ბიტკოინი წყვეტს ყველაზე მნიშვნელოვან პრობლემას, რომელსაც ადამიანები ასობით ათასი წლის განმავლობაში აწყდებიან
– ეს გაცვლისა და დაგროვების აუცილებლობაა“, – განაცხადა Heisenberg Capital-ის დამფუძნებელმა.
ანალიტიკოსის აზრით, ოქროც სიმდიდრის დაგროვების შესანიშნავი საშუალებაა. მაგრამ, მისი გადატანა საკმაოდ რთულია. ფიატური ვალუტების გადაადგილება ადვილია, მაგრამ დროთა განმავლობაში ისინი კარგავენ ღირებულებას. ბიტკოინი კი, როგორც ციფრული აქტივი, წამებში გადის ათასობით კილომეტრს, მაგრამ ამავე დროს თავის ღირებულებას ინარჩუნებს.
კაიზერი იმედოვნებს, რომ ბიტკოინის მიღება და გამოყენება დროთა განმავლობაში მხოლოდ გაიზრდება.
„პროგრამული უზრუნველყოფა სამყაროს ცვლის“ და მისი სიტყვებით, მომდევნო წლებში ფინანსური ინდუსტრია და ფულის კონცეფცია მთლიანად შეიცვლება.
არსებული ფინანსური სისტემა მოძველებულია და შეცვლას საჭიროებს და სწორედ ბიტკოინი გახდება ახალი ფინანსური სისტემის საფუძველი.
გასული წლის ბოლოს კაიზერი ამბობდა, რომ კანონპროექტმა აშშ-ს ეროვნული ვალის ზღვრის ამაღლების შესახებ შექმნა „იდეალური პირობები ბიტკოინის ზრდისთვის“.
წყარო : https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)