ეთერიუმი ბიტკოინს აღემატება

ეთერიუმი ბიტკოინს აღემატება

მსხვილი ჰეჯ-ფონდის Citadel LLC-ის დამფუძნებლის კენ გრიფინის განცხადებით, ბიტკოინს  მრავალი სერიოზული ხარვეზი აქვს, რამაც შეძლსაძლოა მისი ადგილის სხვა კრიპტოვალუტებით მჩანაცვლება გამოიწვიოს.

 DealBook-ის ენდრიუ როს სორკინთან (Andrew Ross Sorkin) ბოლო ინტერვიუში, კენ გრიფინმა გამოთქვა მოსაზრება, რომ ბიტკოინი ძალიან საზიანოა გარემოსთვის,

აქვს ტრანზაქციის ნელი სიჩქარე და დაუცველია თაღლითობისგან. 

გრიფინი აღიარებს, რომ ბიტკოინის ღირებულება წელს გაორმაგდა და ზრდას მისით ინსტიტუციონალური ინვესტორების დაინტერესების ხარჯზე აგრძელებს,

რომლებიც აქტივს ინფლაციის რისკებისგან თავის დასაცავად იყენებენ. გარდა ამისა, სექტემბერში ბიტკოინი სალვადორში გადახდის ლეგალური საშუალება გახდა.

მიუხედავად ყველაფრისა, გრიფინი ბიტკოინისა და მისი გამოყენების გზების მიმართ კვლავ სკეპტიკურადაა განწყობილი.

მისი აზრით, ეთერიუმი ან მის ბლოკჩეინზე დაფუძნებული ნებისმიერი სხვა კრიპტოვალუტა, გარემოზე ნაკლები მავნე ძემოქმედებითა და დაბალი ტრანზაქციის ხარჯებით,

ბიტკოინს დაჯაბნის და ინდუსტრიაში  დომინანტური აქტივი გახდება.

ჰეჯ-ფონდ Citadel-ის დამფუძნებელი ასევე მზარდ ინფლაციასა და ფინანსურ კრიზისს შეეხო, რამაც უმეტესი ქვეყნების ეკონომიკაზე გავლენა მოახდინა.  მან გამოთქვა ეჭვი, რომ კრიპტოვალუტები შეძლებენ გლობალური ფინანსური პრობლემების გადაჭრას და მიანიშნა, რომ ამ ინიციატივაში აშშ-ის სახელმწიფო ციფრული ვალუტა შეიძლება  უფრო ეფექტური იყოს.

გრიფინი ხედავს ბლოკჩეინის პოტენციალს და მას უწოდებს „ნამდვილად საინტერესო ტექნოლოგიასა და მსოფლიოში განაწილებული რეესტრის დამკვიდრების მძლავრ საშუალებას“.

გრიფინის მოსაზრებას მხარს უჭერს  კრიპტოვალუტის ფონდის BlockTower Capital-ის მენეჯერი რაჰულ რაიც (Rahul Rai). ის დარწმუნებულია, რომ თუ ეთერიუმი  გლობალური ფინანსური სისტემის გადატვირთვას მოახერხებს, მომავალში მისი კაპიტალიზაცია ბიტკოინის კაპიტალიზაციას გადააჭარბებს. ამერიკული საინვესტიციო ბანკის JPMorgan-ის ანალიტიკოსები ასევე მიიჩნევენ, რომ ბიტკოინი გრძელვადიან პერსპექტივაში ადგილს ეთერიუმს დაუთმობს.

წყარო: https://bits.media