by Giorgi 
Ethereum Foundation-მა 5,000 ETH გაყიდა
ეთერიუმის ქსელის მხარდაჭერის ფონდმა Ethereum Foundation არასაბირჟო გარიგება დაასრულა და ეთერიუმის უმსხვილეს საჯარო კორპორატიულ მფლობელს – კომპანია BitMine Immersion Technologies-ს 500 ეთერიუმი მიჰყიდა. ტრანზაქციის ღირებულებამ დაახლოებით 10.2 მილიონი აშშ დოლარი, ხოლო თითო მონეტის ფასმა 2,042.96 აშშ დოლარი შეადგინა.
ფონდის განცხადებით, შემოსული თანხა ბლოკჩეინ პროტოკოლის კვლევასა და განვითარებას, ეკოსისტემის განვითარების ინიციატივებს და გრანტების პროგრამებს მოხმარდება. თანხების გადარიცხვა მრავალხელმოწერიანი საფულე Ethereum Foundation Safe-დან მოხდება.
გარიგება Ethereum Foundation-ის მიერ ეთერიუმის პირდაპირ კორპორატიულ მყიდველზე არასაბირჟო გაყიდვის მეორე შემთხვევას წარმოადგენს. 2025 წლის ივლისში, ფონდმა 10,000 ETH კომპანია SharpLink Gaming-ს მიჰყიდა. მონეტის ფასმა 2572,37$ შეადგინა, ხოლო ტრანზაქციის მთლიანმა ღირებულებამ დაახლოებით 25.7 მილიონი აშშ დოლარი.
ეთერიუმის პერიოდული გაყიდვები Ethereum Foundation-ის რეზერვების მართვის სტრატეგიის ნაწილს წარმოადგენს. სტრატეგია გასული წლის ივნისში დამტკიცდა. ორგანიზაცია თავისი ეთერიუმის აქტივების ნაწილს პერიოდულად ფიატურ ვალუტაში აკონვერტირებს, რათა ტრადიციული ვალუტების ოპერაციული რეზერვი შეინარჩუნოს. წლიური ხარჯები ამ რეზერვის დაახლოებით 15%-ს შეადგენს. ფონდმა ცოტა ხნის წინ აქტივების ნაწილის სტეიკინგში განთავსება დაიწყო. ორგანიზაცია ღია კოდის ინფრასტრუქტურის გამოყენებით, ვალიდატორის სახით დაახლოებით 70,000 ETH-ის გამოყენებას გეგმავს.
სერვის CoinGecko-ს მონაცემების თანახმად, BitMine 4.5 მილიონზე მეტ ETH-ს ფლობს, რომელთა ღირებულება დაახლოებით 9.3 მილიარდი დოლარია. BitMine კომპანია Strategy-ის ბიტკოინის დაგროვების მოდელის მსგავს სტრატეგიას ეთერიუმთან მიმართებაში იყენებს და აქტივის დაგროვებას 2025 წლის შუა პერიოდიდან ეწევა. მარტის დასაწყისში BitMine-მა 50,928 ETH შეიძინა.
სიახლეების გამოწერა
