იურისტმა ჯონათან ლევიმ 2020 წლის აპრილში ევროპარლამენტში შეიტანა პეტიცია მოთხოვნით შექმნილიყო ფონდი კრიპტოვალუტის თაღლითების მსხვერპლთათვის ზარალის კომპენსაციისთვის. პეტიციამ მხოლოდ 44 ხმა დააგროვა.
ევროკავშირის წარმომადგენლობით და საკანონმდებლო ორგანოში, ევროპარლამენტში, 9 თვის წინ შევიდა პეტიცია თხოვნით განეხილათ იმ მსხვერპლთა დახმარების ნორმატიული სქემა, რომლებმაც თაღლითობის, ანგარიშის გატეხვის ან გამოძალვის გზით ციფრული აქტივები დაკარგეს. პეტიციის ავტორი ჯონათან ლევია.
ლევის სურს, რომ ევროკავშირმა შემოიღოს საკომისიო 0.0001 ევროს ოდენობით კრიპტოვალუტის თითო ტრანზაქციაზე, რომელიც მიმართული იქნება კრიპტოვალუტის თაღლითებისგან დაზარალებულთა კომპენსაციის „სუპერფონდში“. იურისტი წარმოადგენს კლიენტებს, რომელთა ზარალმა 50 მილიონ ევროს გადააჭარბა.
როგორც ჩანს ამ იდეის ბევრს არ სჯერა, რადგან დღეისათვის პეტიციას მხოლოდ 44 – მა ადამიანმა მოაწერა ხელი.
ლევის სიტყვებით მას 240 000 – ზე მეტი ადამიანი უერთდება, რომლებმაც 2019 წელს ირლანდიური ბირჟის Bitsane -ს უეცარი დახურვით იზარალეს. კრიპტოვალუტის ახლანდელი კურსით, ბირჟის მომხმარებლების მოპარული კრიპტოაქტივები 1 მილიარდ ევროს გადააჭარბებდა.
„კრიპტოვალუტის ბირჟის Bitsane -ს დახურვის მსხვერპლნი ჯერ კიდევ ელიან სამართლის აღსრულებას,“ – თქვა მან და ასევე განაცხადა, რომ ირლანდიის მთავრობამ თითქმის არაფერი გააკეთა Bitsane – ს მომხმარებლების მოპარული ფულის მოსაძიებლად.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)