საფრანგეთის ბანკმა ბლოკჩეინის ბაზაზე პლატფორმა Iznes – ის დახმარებით, ბანკთაშორისი გადარიცხვებისთვის ციფრული ვალუტის გამოყენების ტესტირების წარმატებით დასრულების შესახებ განაცხადა.
საფრანგეთის ბანკის განცხადების თანახმად, ციფრული ვალუტის ტესტირების საპილოტო პროექტის ფარგლებში, 2020 წლის მარტი-დეკემბრის პერიოდში საერთო მოცულობით 2 მილიონ ევრომდე ტრანზაქციები განხორციელდა.
ანგარიში ციფრულ ვალუტაში ხორციელდებოდა, ბრიტანული სტარტაპის SETL – ის მიერ შემუშავებული პლატფორმა Iznes – ის გამოყენებით. ტესტირებაში მონაწილეობა ასევე მიიღეს: სადაზღვევო ჯგუფმა Groupama, ფინანსურმა კონგლომერატმა Citigroup, ფრანგულმა ბანკმა CACEIS, აქტივების მმართველმა OFI AM და IT კომპანიამ DXC.
ექსპერიმენტი ემსახურებოდა სმარტ-კონტრაქტების შემუშავებასა და დანერგვას, რაც საფრანგეთის ბანკს საშუალებას მისცემდა გამოეშვა ციფრული ვალუტა, გაეკონტროლებინა მისი მიმოქცევა და მოეხდინა ანგარიშსწორება ფინანსურ ორგანიზაციებს შორის.
ცენტრალური ბანკი მიიჩნევს, რომ ბლოკჩეინი გაზრდის საერთაშორისო ანგარიშსწორების ეფექტურობას და გააუმჯობესებს ევროპის ეკონომიკის ფუნქციონირებას. საფრანგეთის ბანკმა ასევე განაცხადა, რომ პროექტის ფარგლებში დამატებითი ექსპერიმენტების ჩატარებას 2021 წლის შუა პერიოდამდე გააგრძელებს.
მარეგულირებელმა უნდა გაარკვიოს, თუ რა სახით შეუძლია ციფრულ ვალუტას გააუმჯობესოს საერთაშორისო გადახდები და გახდეს ხელმისაწვდომი ინსტიტუციონალური კლიენტებისთვის. გარდა ამისა, მსგავსი ექსპერიმენტები საშუალებას იძლევა გაირკვეს რა ცვლილებები უნდა იყოს შეტანილი კანონმდებლობაში.
შეგახსენებთ, რომ მაისში საფრანგეთის ცენტრალურმა ბანკმა, ბანკ Societe Generale – თან ერთად, წარმატებით გამოსცადა ციფრული ევრო, რათა გარკვეულიყო მექანიზმებში და გაეთვალა პოტენციური რისკები.
უფრო ადრე, საფრანგეთის ბანკის წარმომადგენელმა ფრანსუა ვილრუა დე გალომ განაცხადა, რომ სტეიბლკოინებს შეუძლიათ მნიშვნელოვნად იმოქმედონ ევროკავშირის ფინანსურ სუვერენიტეტზე, ამიტომ ცენტრალურმა ბანკებმა სახელმწიფო ციფრული ვალუტების შემუშავება უნდა დააჩქარონ.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)