FTX-ის გადატვირთვის გეგმით Tribe Capital დაინტერესდა

FTX-ის გადატვირთვის გეგმით Tribe Capital დაინტერესდა

Bloomberg-ის ცნობით, კომპანია Tribe წარუმატებელი კრიპტო ბირჟა FTX-ის საქმიანობის აღსადგენად 250 მილიონი დოლარის ფონდის მოზიდვას აპირებს.

კომპანია მინიმუმ 100 მილიონი დოლარის დაფინანსებას თავად გეგმავს. ასევე აპირებს პარტნიორები ჩართოს.

ვენჩურული კომპანია Tribe Capital, რომელიც 2018 წლის ივნისში მენლო პარკში, კალიფორნიაში დაარსდა, 1,6 მილიარდ დოლარზე მეტ აქტივებს მართავს.

კომპანიამ FTX-ში ინვესტირება ჯერ კიდევ კრიპტო ბირჟის გაკოტრებამდე მოახდინა.

აღმასრულებელი დირექტორის არჯუნ სეტისა  (Arjun Sethi) და ფინანსური დირექტორის ომარ ჩოჰანის (Omar Chohan) ხელმძღვანელობით, Tribe-მა ინვესტიცია რამდენიმე სხვა კრიპტო კომპანიაშიც მოახდინა, როგორიცაა Kraken, MoonPay და Binance.US.

იანვარში, FTX-ის ახალმა აღმასრულებელმა დირექტორმა ჯონ რეიმ (John Ray) კრედიტორებისა და მომხმარებლების ზარალის ანაზღაურების მიზნით ბირჟის საქმიანობის შესაძლო განახლების შესახებ გამოაცხადა.

ბოლო მონაცემებით, სავაჭრო პლატფორმის კრედიტორების მიმართ დავალიანება დაახლოებით 11,6 მილიარდ დოლარს შეადგენს. ამ თანხიდან FTX-ის ახალმა მენეჯმენტმა ჯერჯერობით მხოლოდ 2,8 მილიარდი დოლარის შოვნა შეძლო.

აპრილში ცნობილი გახდა, რომ FTX-ს კლიენტების დავალიანების დაფარვისთვის განკუთვნილი თანხების გამოეყენება კომპანიის „გადატვირთვისთვის“ შეეძლო.

კომპანიის ადვოკატებმა ბირჟის აღდგენის შესაძლებლობები განიხილეს და  დაბეგრვასთან დაკავშირებული გარემოებები, მათ შორის აშშ-ის იურისდიქციაში მიღებული წესები შეისწავლეს.