FTX-ის კოლაფსი ინდუსტრიის განვითარებას ვერ შეაფერხებს
ამერიკელ მილიარდერ მარკ კუბანს კრიპტოვალუტებისა და ციფრული აქტივების პერსპექტივის კვლავაც სჯერა. მისი თქმით, კრიპტოვალუტის ბირჟა FTX-ის კოლაფსი ინდუსტრიის განვითარებას ვერ შეაფერხებს.
მარკ კუბანის (Mark Cuban) განცხადებით, კრიპტოვალუტის ინდუსტრიის მთავარ ღირებულებას ჭკვიანი კონტრაქტები წარმოადგენს, რომლებიც ციფრული აქტივების სხვადასხვა სფეროში გამოყენების შესაძლებლობას იძლევა. FTX-ის გაკოტრება კი დეცენტრალიზებული აპლიკაციების გამოყენებაზე ვერანაირად ვერ იმოქმედებს.
CNBC-სთან საუბარში მილიარდერმა ხაზგასმით აღნიშნა, რომ კრიპტო აქტივების ღირებულება მათ რეალურ ცხოვრებაში გამოყენებასთან არის დაკავშირებული.
თუ პროექტს რეალური მომხმარებლები არ ჰყავს, მაშინ მას არც ღირებულება გააჩნია. ამასთან, კრიპტოვალუტების შესახებ ყოველდღიურად სულ უფრო მეტი ახალი მომხმარებელი იგებს და კუბანის აზრით, ეს ძალიან დადებითი სიგნალია.
თუმცა, კუბანს ყველა არ ეთანხმება. მაგალითად, Bankrate-ის წარმომადგენელი ჯეიმს როიალი (James Royal) მიიჩნევს, რომ კრიპტოვალუტები მხოლოდ ინდუსტრიის ფანების წყალობით არსებობს:
„სტეიბლკოინებს თუ არ ჩავთვლით, კრიპტოვალუტები ფასებს მხოლოდ ინდუსტრიის ენთუზიასტების წყალობით ინარჩუნებენ. აქ არ არის არც ფუნდამენტური ანალიტიკა, არც რეალური ბიზნეს განაცხადი, ფულადი ნაკადები მხოლოდ სპეკულაციაა.“
აგვისტოში მარკ კუბანმა ინდუსტრიის რეგულირების მკაფიო დებულებების არარსებობის გამო აშშ-ის ფასიანი ქაღალდებისა და ბირჟების კომისია (SEC) გააკრიტიკა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)