FTX-მა გაკოტრების შესახებ გამოაცხადა
კრიპტოვალუტის ბირჟამ FTX Twitter-ზე გაკოტრების შესახებ შესატანი განაცხადის სქრინშოტი გამოაქვეყნა. კომპანია დაინტერესებულ მხარეთა სასარგებლოდ შემოწმებისა და აქტივების მონეტიზაციის პროცეს დაიწყებს.
FTX-თან ერთად გაკოტრების შესახებ განაცხადის გაკეთებას ასევე Alameda Research და 130 სხვა შვილობილი კომპანია აპირებს. გამონაკლისს წარმოადგენენ Ledger X, FTX Digital Markets, FTX Australia Pty და FTX Express Pay.
განცხადების თანახმად, კრიპტო ბირჟის აღმასრულებელი დირექტორი და დამფუძნებელი სემ ბენკმენ-ფრიდი (Sam Bankman-Fried) თანამდებობას ტოვებს.
მას ჯონ ჯეი რეი III (John J. Ray III) ჩაანაცვლებს და FTX-ის აღმასრულებელი დირექტორის პოზიციას საქმის მსვლელობისა და მარეგულირებელ ორგანოებთან მუშაობის პროცესში დაიკავებს.
კრიპტობირჟა დიდ სირთულეებს განიცდის – ხდება მასთან ადრე დადებული ხელშეკრულებების გაუქმება.
საქმე იქამდე მივიდა, რომ ბაჰამის კუნძულებმა, სადაც FTX-ის სათაო ოფისი მდებარეობს, კომპანიის აქტივები გაყინეს და ინვესტორების დასაცავად დროებითი ლიკვიდატორი დანიშნეს.
მომხდარის მიუხედავად, კრიპტო ბირჟამ შეთანხმების მიღწევა კომპანია TRON-ის ხელმძღვანელთან – ჯასტინ სანთან (Justin Sun) მოახერხა. ის ბირჟის საკრედიტო ხაზის 13 მილიონი დოლარის ლიმიტით უზრუნველყოფას დათანხმდა, რაც მომხმარებლებს სავაჭრო პლატფორმიდან დეპოზიტების ამოღებაში დაეხმარება.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)