FTX-მა კრედიტორების სია გამოაქვეყნა

FTX-მა კრედიტორების სია გამოაქვეყნა

კრიპტოვალუტის ბირჟა FTX-ის დროებითმა ხელმძღვანელობამ იმ იურიდიული პირების სრული სია გამოაქვეყნა, რომელთა წინაშეც კომპანიას დავალიანება აქვს. სიაში არის ავიაკომპანიები, ტექნოლოგიური კომპანიები და საქველმოქმედო ორგანიზაციებიც კი.

დოკუმენტში, რომელიც დელავერის ოლქის სასამართლოშია შეტანილი 115 გვერდისგან შედგება. მასში ანბნური თანამიმდევრობით იმ კომპანიებისა თუ იურიდიული ფირმების ჩამონათვალია, რომელთაც FTX-ში ინვესტიციები განახორციელეს.

ასევე ცნობილია, რომ გაკოტრების შედეგედ თანხები 9 693 985 ინდივიდუალურ კლიენტს დაუბლოკეს.

ცნობილ კომპანიებს შორის, რომლებმაც FTX-ის გაკოტრების შედეგად თანხები დაკარგეს არიან Apple, Netflix, Amazon, Meta, Google, LinkedIn, Microsoft და Twitter.

სიაში შევიდა ისეთი გამომცემლობებიც, როგორიცაა The New York Times და Wall Street Journal.

რაც შეეხება კრიპტოვალუტის ინდუსტრიას, როგორც ჩანს, სემ ბენკმენ-ფრიდის (Sam Bankman-Fried) კომპანიაში ინვესტიცია დარგის თითქმის ყველა წამყვანმა კომპნიამ განახორციელა.

სიაში შევიდნენ Coinbase, Galaxy Digital, Circle, Chainalysis, Massari, Yuga Labs, Bittrex და Binance-ის ფილიალები. გარდა ამისა,ინვესტორთა შორის მოხვდა გამოცემა CoinDesk-იც.

საინტერესოა, რომ კრედიტორთა შორის აშშ-ის რამდენიმე შტატის საგადასახადო ორგანო და აშშ-ის ფედერალური შიდა შემოსავლების სამსახურია (IRS) მოხსენიებული. ასევე იაპონიის, ავსტრალიის, ჰონგ კონგის და სხვა სახელმწიფოთა სხვადასხვა სამთავრობო უწყებებია წარმოდგენილი.

დოკუმენტში ჩამოთვლილია კომპანიები, მაგრამ კონკრეტული თანხები, რომლებიც FTX-ს მართებს მითითებული არ არის.

მანამდე ვრცელდებოდა ინფორმაცია, რომ ბირჟა FTX-ისა და კომპანია Alameda-ს გაკოტრების შედეგად, კრიპტო კრედიტორმა BlockFi  1,2 მილიარდი დოლარი დაკარგა.