FTX-მა პოლიტიკოსებს შემოწირულობების დაბრუნება მოსთხოვა

FTX-მა პოლიტიკოსებს  შემოწირულობების დაბრუნება მოსთხოვა

FTX-ის ხელმძღვანელობამ ამერიკელ პოლიტიკოსებს შემოწირულობების დაბრუნება მოსთხოვა.

FTX Group-მა პოლიტიკოსებს 28 თებერვლამდე კრიპტოვალუტის ბირჟისგან შემოწირულობის სახით მიღებლი მილიონობით დოლარის დაბრუნების მოთხოვნით წერილები გაუგზავნა.

FTX-ის წარმომადგენლები შეტყობინებებს უგზავნიან  ყველას, ვისთვისაც  ბირჟის ყოფილ ხელმძღვანელს სემ ბენკმენ-ფრიდს ოდესმე მხარი დაუჭერია.

„თუ ასეთი შემოწირულობები ნებაყოფლობით არ დაბრუნდება, FTX იტოვებს უფლებას მათი დაბრუნების მოთხოვნით  სარჩელი სასამართლოში შეიტანოს.“ – ნათქვაია წერილში.

ამერიკული მედიის ცნობით, საუბარი შესაძლოა 93 მილიონ დოლარს ეხებოდეს.

ზოგიერთმა პოლიტიკოსმა მიღებული შემოწირულობა უკვე დააბრუნა ან განაცხადა რომ დაბრუნებას აპირებს. მაგალითად, დემოკრატიულმა პარტიამ  ამ მიზნით 1 მილიონ დოლარზე მეტი ჯერ კიდევ დეკემბერში გამოყო. თუმცა, არიან პოლიტიკოსები, რომელთა განცხადებით შემოწირული თანხები მათ უკვე მოახმარეს ქველმოქმედებას. მათ საპასუხოდ FTX-მა განაცხადა, რომ მათი იურისტები  თანხების დასაბრუნებლად ყველაფერს გააკეთებდნენ.

„მიმღებები გაფრთხილებულნი არიან, რომ მესამე მხარისთვის გადახდები ან შემოწირულობები (მათ შორის, საქველმოქმედო მიზნებისთვის) ხელს ვერ შეუშლის კრედიტორებს, შემოწირულობის მიმღებისგან ან ნებისმიერი სხვა უფლებამონაცვლისგან კომპენსაცია მოითხოვონ “ – განაცხადა FTX-მა.