FTX პლატფორმა LedgerX-ს 50 მილიონ დოლარად ყიდის

FTX პლატფორმა LedgerX-ს 50 მილიონ დოლარად ყიდის

გაკოტრებული კრიპტო ბირჟა FTX მის კუთვნილებაში მყოფი კრიპტო დერივატივების პლატფორმა LedgerX-ის Miami International Holdings-ისთვის მიყიდვას დათანხმდა. გარიგება 50 მილიონ დოლარს შეადგენს.

გაყიდვის გარიგების დამტკიცების შესახებ მოსმენა 4 მაისს არის დაგეგმილი. პლატფორმის გაყიდვის შესახებ კომენტარი FTX-ის რესტრუქტურიზაციის დირექტორმა ჯონ რეიმ (John Ray) გააკეთა:

„მოხარულები ვართ, რომ MIH-თან მივაღწიეთ შეთანხმებას, რომელიც დაინტერესებული მხარეებისთვის ზარალის ანაზღაურების მიზნით აქტივების მონეტიზაციასთან დაკავშირებით ჩვენს მუდმივ ძალისხმევას ასახავს.“

LedgerX  2012 წელს Goldman Sachs-ის ყოფილმა ტრეიდერმა პოლ ჩოუმ (Paul Chou) დააარსა.

პლატფორმამ აშშ-ს სასაქონლო ფიუჩერსების სავაჭრო კომისიის (CFTC) ნებართვით ბიტკოინის დერივატივებით ვაჭრობის სერვისების ინსტიტუციური ინვესტორებისთვის მიწოდება 2017 წლის ოქტომბერში დაიწყო.

FTX-მა პლატფორმა 2021 წელს იყიდა.

FTX-მა LedgerX-ისა და რამდენიმე სხვა კომპანიის გაყიდვასთან დაკავშირებით მოთხოვნა 2022 წლის დეკემბერში შეიტანა. კომპანიის იურისტების მტკიცებით, პლატფორმა FTX-ის ინვესტიციებისგან სრულიად დამოუკიდებელია, ჰყავს ცალკე მენეჯმენტის გუნდი და საკუთარი მომხმარებლები.

ამერიკულმა სასამართლომ FTX-ის პორტფელიდან ოთხი კომპანიის გაყიდვის ნებართვა გასცა.

კომპანია Miami International Holdings მაიამის ფასიანი ქაღალდების საერთაშორისო ბირჟის (MIAX) მფლობელია. MIAX-ის ვებსაიტის მონაცემების მიხედვით, კომპანია მსოფლიოს უმსხვილეს დერივატივების ბირჟებს შორის მე-14 ადგილზეა.

მანამდე გავრცელდა ინფორმაცია, რომ კომპანია Tribe ბირჟა FTX-ის საქმიანობის განახლებისთვის 250 მილიონი დოლარის მოზიდვის კამპანიას გეგმავს. 100 მილიონი დოლარის დაფინანსებას თავად კომპანია აპირებს.