FTX პლატფორმა BlockFi-ს 680 მილიონად ყიდულობს
კრიპტო ბირჟა FTX.US – ის მიერ საკრედიტო პლატფორმა BlockFi-ის შეძენის შესახებ გავრცელებული ჭორები სიმართლე აღმოჩნდა.
თუმცა, დასახელებული 25 მილიონი დოლარის ნაცვლად რეალურად თანხა ბევრად უფრო შთამბეჭდავია – გარიგება კრიპტო ბირჟას სავარაუდოდ 680 მილიონი დოლარი უჯდება.
BlockFi-ს აღმასრულებელი დირექტორის ზაკ პრინცის თქმით, FTX.US-თან მიღწეული შეთანხმება სერვისის აქციონერების მიერ ჯერ კიდევ არ არის დამტკიცებული. თავად გარიგება რამდენიმე ეტაპად განხორციელდება.
თავდაპირველად FTX.US სერვისს 400 მილიონ დოლარს გამოუყოფს, რათა BlockFi-მ ფინანსური ვალდებულებების შესრულება შეძლოს.
გარდა ამისა, სერვისის მაჩვენებლებიდან გამომდინარე, ბირჟა მიიღებს შესაძლებლობას BlockFi-ში 240 მილიონ დოლარამდე გადაიხადოს.
აგრეთვე არსებობს „რიგი პოტენციური შესაძლებლობებისა,“ რამაც შეიძლება გარიგების ღირებულება 680 მილიონ დოლარამდეც გაზარდოს.
ზაკ პრინცის თქმით, ამ გადაწყვეტილების მიზეზი „სერვის Celsius-სთან და კრიპტოვალუტის ფონდ Three Arrows Capital-თან დაკავშირებული საბაზრო მოვლენები იყო,“ რომლებმაც BlockFi-ზე უარყოფითი გავლენა იქონიეს.
სერვის Celsius-ის გამო კომპანიამ დაახლოებით 80 მილიონი აშშ დოლარი დაკარგა და „ლიკვიდობის გაზრდისა და მომხმარებელთა ფულადი სახსრების დაცვის მიზნით“ BlockFi-მ FTX-თან გარიგების დადება გადაწყვიტა.
„ჩვენი ყველა პროდუქტი და სერვისი, სავაჭრო პლატფორმის, საკრედიტო ბარათებისა და გლობალური ინსტიტუციური სერვისების ჩათვლით, მუშაობას ჩვეულ რეჟიმში და მეტი ფინანსური უსაფრთხოების უზრუნველყოფით გააგრძელებს.“-ამბობს BlockFi-ის აღმასრულებელი დირექტორი.
მანამდე გავრცელებული ინფორმაციით, FTX BlockFi-ის პლატფორმის შეძენას, მისი 3 მილიარდი დოლარის საბაზრო ღირებულების გათვალისწინებით, სულ რაღაც 25 მილიონ დოლარად გეგმავდა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)