FTX საკუთარ სტეიბლკოინს გამოუშვებს

FTX საკუთარ სტეიბლკოინს გამოუშვებს

კრიპტობირჟა FTX საკუთარი სტეიბლკოინის ეფექტური ამოქმედებისთვის პარტნიორობას უფრო ძლიერ კომპანიასთან გეგმავს.

 ამერიკული კრიპტოვალუტის ბირჟის FTX-ის აღმასრულებელმა დირექტორმა სემ ბანკმენ-ფრიდმა (Sam Bankman-Fried) ბოლო ინტერვიუში განაცხადა, რომ კომპანია უახლოეს მომავალში საკუთარ სტეიბლკოინს წარადგენს.

მისი თქმით, სტეიბლკოინის შესაქმნელად და გასაშვებად პლატფორმას საკუთარი ტექნიკური ბაზა გააჩნია, თუმცა ამის გაკეთებას პარტნიორობის ფარგლებში გეგმავს: 

„ამ დროისთვის, პროექტი დროებით შევაჩერეთ, რადგან გვჯერა, რომ ძლიერ პარტნიორთან გაერთიანებით, ნამდვილად მნიშვნელოვანი პროექტის შექმნა შეგვიძლია. 

ამჟამად  ასეთ პარტნიორის ძებნის პროცესში ვართ.“

ბიზნესმენმა აღნიშნა, რომ პოზიტიური საპროცენტო განაკვეთების ხარჯზე სტეიბლკოინები ბევრად უფრო მომგებიანი გახდა.

ამავდროულად, FTX-ის ხელმძღვანელმა ისიც დასძინა, რომ კრიპტო ბირჟა სტეიბლკოინების ეკოსისტემაში კვლავაც ერთ-ერთ უდიდეს დამოუკიდებელ კომპანიას წარმოადგენს.

ბენკმენ ფრიდმა ისიც დაადასტურა, რომ კომპანია ახლა ფონდების მოზიდვის კიდევ ერთი რაუნდის დაწყებას განიხილავს, რადგან ამჟამად FTX-ის ხელთ არსებული აქტივები მხოლოდ მცირე ან საშუალო მასშტაბების შენაძენის გაკეთების საშუალებას იძლევა.

მანამდე FTX-ის ხელმძღვანელმა აშშ-ს ხელისუფლებას მოუწოდა  დეცენტრალიზებული ფინანსების (DeFi) ინდუსტრიის რეგულირებას სიფრთხილით მოეკიდონ და მანამდე  შეისწავლონ, თუ რამდენად ჩაეწერება ინდუსტრია ამა თუ იმ კანონში.