FTX-ის ყოფილმა ხელმძღვანელმა თავი პოლიტიკური რეპრესიების მსხვერპლად გამოაცხადა

FTX-ის ყოფილმა ხელმძღვანელმა თავი პოლიტიკური რეპრესიების მსხვერპლად გამოაცხადა

კრიპტოვალუტის ბირჟა FTX-ის დამფუძნებელმა სემ ბენკმენ-ფრიდმა (Sam Bankman-Fried) აშშ-ს რესპუბლიკური პარტიისთვის  გაღებული დიდი შემოწირულობების მიზეზით, საკუთარი პატიმრობის პოლიტიკურ დევნად წარმოჩენა სცადა.

ბენკმენ-ფრიდის განცხადებით, აშშ-ის ყოფილი პრეზიდენტის, ჯო ბაიდენის ადმინისტრაციისა და ფასიანი ქაღალდებისა და ბირჟების კომისიის (SEC) კრიპტოინდუსტრიაზე მუდმივმა ზეწოლამ მას პოლიტიკური შეხედულებების შეცვლა და ათობით მილიონი დოლარის რესპუბლიკელი კანდიდატების კამპანიებისთვის ფარულად შეწირვა აიძულა.

მისი თქმით, 2022 წელს მისი დაპატიმრება ამ კრიპტო ტრანზაქციებიდან სულ რაღაც რამდენიმე კვირის შემდეგ და მისი კონგრესის წინაშე დაგეგმილ იმ გამოსვლამდე ერთი დღით ადრე მოხდა, რომელზეც აშშ-ის კრიპტო ბაზრის სამომავლო რეგულაციებზე კენჭისყრა იყო დაგეგმილი.

ბენკმენ-ფრიდისა და მისი ადვოკატების განცხადებით, დაპატიმრების მიზანი ბიზნესმენისთვის კონგრესის წინაშე ჩვენების მიცემის თავიდან აცილება და ამით ამერიკელი კრიპტო მეწარმეების სასარგებლოდ მისაღებ გადაწყვეტილებებზე გავლენის მოხდენა იყო.

იმის შესახებ, რომ ბენკმენ-ფრიდის დაპატიმრება შესაძლოა „კონგრესში მისი ჩვენების მიცემის თავიდან ასაცილებლად“ ყოფილიყო გამიზნული, აშშ-ის წარმომადგენელთა პალატის რესპუბლიკელმა წევრებმა 2022 წლის დეკემბერში უკვე განაცხადეს.

მანამდე, გაკოტრებული კრიპტო ბირჟა FTX-ის ყოფილმა აღმასრულებელმა დირექტორმა გამოცემა Mother Jones-თან ინტერვიუში განაცხადა, რომ პლატფორმის დაშლის ერთ-ერთი მიზეზი შესაძლოა მასზე კონტროლის ახალი მენეჯმენტისთვის გადაცემა ყოფილიყო.

წყარო: https://www.theblock.co/post/374692/sam-bankman-fried-arrest-political