FTX-მა თანხების გამოტანის ოპერაციები შეაჩერა

FTX-მა თანხების გამოტანის ოპერაციები შეაჩერა

კრიპტო ბირჟიდან ბოლო გამავალი ტრანზაქცია  აღმოსავლეთის დროით (ET) დილის 6:37 საათზე განხორციელდა.

Etherscan-ის თანახმად, აშშ-ში დაფუძნებულმა კრიპტოვალუტის ბირჟა FTX-მა თანხის გატანის მოთხოვნების დამუშავება რამდენიმე საათის წინ შეაჩერა.

წინასწარი მონაცემებით, გატანის ოპერაციები  Ethereum, Tron და Solana-ს ბლოკჩეინ ქსელებზეა შეჩერებული.  

„როგორც ჩანს, FTX-მა  Ethereum-ზე, Solana-სა და Tron-ზე თანხების გამოტანა, სულ მცირე, ძირითადი იდენტიფიცირებული საფულეებიდან შეაჩერა.“- განაცხადა The Block-ის კვლევის ანალიტიკოსმა სტივენ ჯანმა (Steven Zheng).

FTX-ის სავაჭრო პლატფორმიდან მომხმარებლებმა თანხების მასობრივად გატანა მას შემდეგ დაიწყეს, რაც Binance-ის აღმასრულებელმა დირექტორმა ჩენპენ ჯაომ FTX-ის ტოკენის – FTT-ის მთელი არსებული მარაგის გაყიდვის შესახებ განაცხადა და  ტოკენების 22$-ად გამოსყიდვის შემხვედრ შემოთავაზებაზე უარი თქვა.

FTT აქტივების ლიკვიდაციის მიზეზად Binance-ის ხელმძღვანელმა ცოტახნის წინ FTX-ის შვილობილი კომპანია Alameda Research-ის გამოაშკარავებული ბალანსის დეტალები მოიყვანა.

„ონჩეინ ანალიტიკა გვაჩვენებს, რომ ბოლო დღე-ღამის განმავლობაში FTX-დან ასობით მილიონი დოლარი იქნა გამოტანილი.“ – განაცხადა სინგაპურში დაფუძნებული კომპანია Stack Funds-ის დირექტორმა მეთიუ დიბმა (Matthew Dibb).

FTX პლატფორმიდან თანხების მასიურმა გატანამ კრიპტო საზოგადოების შეშფოთება გამოიწვია და ბირჟის გადახდისუნარიანობის შესახებ კითხვები გააჩინა. უცნობია შეინარჩუნებს თუ არა ბირჟა თავის პოზიციებს მომავალში.