Fundstrat Global Advisors-ის ანალიტიკოსი დევიდ გრაიდერი მიიჩნევს, რომ ეთერიუმის კურსი ბოლოდროინდელი რეკორდის შემდეგ ზრდას განაგრძობს და შეიძლება 10 500 $-ს მიაღწიოს.
ამ კვირას ეთერიუმმა ისტორიული მაქსიმუმი გაიმეორა და 1440$-ს მიაღწია. მოგვიანებით ფასი დაკორექტირდა და ამჟამად ETH-ის ღირებულება 1250$ -ს შეადგენს. გრაიდერს მიაჩნია, რომ ასეთი ზრდა შეიძლება მომავალი ზრდის სიგნალად შევაფასოთ. ამისთვის მრავალი წინაპირობა არსებობს.
პირველ რიგში, ეთერიუმის ბლოკჩეინი გამოიყენება დეცენტრალიზებული ფინანსური პროგრამებისთვის, რომლებიც დიდი პოპულარობით სარგებლობენ. მეორე რიგში, ეთერიუმ 2.0-ის დეველოპერებმა გარკვეულ პროგრესს მიაღწიეს გასული წლის ბოლოს „სასიგნალო ჯაჭვის“ – Beacon Chain – ის გამოშვებით. ეთერიუმ 2.0 – ის დეველოპერები არსებული ქსელის გაუმჯობესებას გეგმავენ და ამზადებენ ჰარდფორკს Berlin. Fundstrat-ის სპეციალისტი მიიჩნევს, რომ ყველა ეს ფაქტორი ეთერიუმის ზრდას გამოიწვევს.
გრაიდერის აზრით, ეთერიუმი კრიპტოვალუტაში ინვესტირების საუკეთესო გზაა მოგების გათვალისწინებით. მისი თქმით, დეცენტრალიზებულმა ფინანსებმა (DeFi) შესაძლოა აღმოფხვრან ბანკების არსებობის აუცილებლობა, რადგან ადამიანებს ფულის შუამავლის გარეშე სესხების საშუალებას აძლევენ. თუმცა, გასათვალისწინებელია DeFi – ის პროგრამისა და მისი სმარტ-კონტრაქტების გამოშვებასთან დაკავშირებული დათვის ბაზრის და სხვა ტექნიკური რისკები. ანალიტიკოსმა დაამატა, რომ ბლოკჩეინის გამოთვლები ღრუბლოვანი ტექნოლოგიების მომავალია.
კრიპტოვალუტების მოწინააღმდეგეებს მიაჩნიათ, რომ ციფრული აქტივები სპეკულაციისთვის გამოიყენება და ზომაზე მეტად არასტაბილურია. მომხრეების აზრით კი ციფრული ვალუტები „მოსამწიფებელი“ აქტივების კლასია. ფულადი ბრუნვის კონტროლის სამმართველოს (OCC) ყოფილი დირექტორის ბრაიან ბრუქსის (Brian Brooks) სიტყვებით, აშშ-მ უნდა განავითაროს კრიპტოვალუტის ინდუსტრია, რადგან ქვეყანაში მიმდინარე პოლიტიკური და ეკონომიკური სიტუაციის გამო ახლო მომავალში კრიპტოაქტივები აუცილებლობას წარმოადგენენ.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)