by Maria 
Galaxy Digital-ის ანალიტიკოსმა კრიპტოვალუტის ბაზრის პროგნოზი შეადგინა
კომპანია Galaxy Digital-ის კვლევითი განყოფილების ხელმძღვანელის ალექს თორნის (Alex Thorn) განცხადებით, ციფრული აქტივების ფასების მოკლევადიანი ცვალებადობისა და კლების მიუხედავად კრიპტოვალუტის ბაზარზე ზრდის ტენდენცია უცვლელი რჩება.
ანალიტიკოსის თქმით, კრიპტოვალუტის ბაზრის განახლებულ ზრდას რამდენიმე მამოძრავებელი ფაქტორი განაპირობებს : მსხვილი ტექნოლოგიური კომპანიების მიერ ხელოვნურ ინტელექტში ინვესტიციები, აშშ-ის პოლიტიკა და სტეიბლკოინები, რომლებიც ონჩეინ ინფრასტრუქტურას ამყარებენ.
„ჩვენ ვხედავთ, რომ მიმდინარე კორექტირება გლობალურ სურათს არ არღვევს. ძირითადი ფაქტორები, რომლებიც მომდევნო ზრდას განსაზღვრავს, უკვე იკვეთება“ – დარწმუნებულია Galaxy Digital-ის ხელმძღვანელი.
თორნმა კრიპტო ბაზრის ზრდის კიდევ ერთ კატალიზატორად ტოკენიზაცია დაასახელა, რომელიც უკვე გასცდა პილოტურ პროექტებს. ფინანსური ინსტიტუტები ტოკენიზებული პროდუქტების ტესტირებას და გამოშვებას მასობრივად იწყებენ, რაც ცვლის ტრადიციული კაპიტალის ბაზრების არქიტექტურას.
ანალიტიკოსი კვლავ ოპტიმისტურად არის განწყობილი ბიტკოინის, ეთერიუმისა და სოლანას მიმართ და საშუალოვადიან პერსპექტივაში მათი ფასის ზრდას ელის. მისი აზრით, ცვალებადობა კვლავაც იქნება, თუმცა ძირითადი ტენდენციები ძლიერი რჩება. თორნმა თავისი მოსაზრება იმით ახსნა, რომ ახლანდელი ბაზარის მასტიმულირებელი ფაქტორები რამდენიმე წლის წინ უბრალოდ არ არსებობდა.
ანალოგიური პროგნოზი ცოტა ხნის წინ კომპანია Bitwise-ის საინვესტიციო დირექტორმა მეთ ჰოგანმაც (Matt Hougan) გააკეთა. მისი განცხადებით, კრიპტო ბაზრის კლება ტრეიდერების პოზიციების მასშტაბური ლიკვიდაციით იყო გამოწვეული, თუმცა არასტაბილურობის მოკლე პერიოდის შემდეგ ზრდის ტენდენცია კვლავ განახლდება.
სიახლეების გამოწერა
