Gemini-მ ევროპაში სტეიკინგისა და კრიპტო დერივატივებით ვაჭრობის სერვისები აამოქმედა

Gemini-მ ევროპაში სტეიკინგისა და კრიპტო დერივატივებით ვაჭრობის სერვისები აამოქმედა

ტყუპი ძმების კამერონ და ტაილერ ვინკლვოსების (Cameron, Tyler Winklevoss) მიერ დაარსებულმა ამერიკულმა კრიპტო ბირჟამ Gemini ევროპაში სტეიკინგის სერვისების შეთავაზება და კრიპტოვალუტის დერივატივებით ვაჭრობა დაიწყო.

Gemini-ს მენეჯმენტის განცხადებით, მომხმარებლებს ევროპის ეკონომიკური ზონიდან (EEA) კრიპტოვალუტების ETH და SOL სტეიკინგზე დადება, ასევე Circle-ის მიერ გამოშვებული სტეიბლკოინ USDC-ს ნომინირებული მუდმივი კონტრაქტებით ვაჭრობა შეეძლებათ. სტეიკინგი ხელმისაწვდომი საცალო ინვესტორებისა და კომპანიებისთვის იქნება.

„მაშინ, როცა მომსახურების სრული პაკეტი გვაქვს, მათ შორის სპოტური ვაჭრობა, სტეიკინგი და ევროპელი ტრეიდერებისთვის მუდმივი ოფციონები, შეგვიძლია საკუთარ თავს სერიოზული კანდიდატი ვუწოდოთ.“- თქვა Gemini-ს ევროპული განყოფილების ხელმძღვანელმა მარკ ჯენინგსმა (Mark Jennings).

Gemini-ს ევროკავშირის კრიპტო-დერივატულ ბაზარზე შესვლა კრიპტოვალუტის სპოტ ვაჭრობის შემცირების ფონზე მოხდა. პლატფორმა TokenInsight-ის მონაცემების თანახმად, 2025 წელს ბიტკოინის ზრდის მიუხედავად, სპოტ ვაჭრობის მოცულობა პირველ ორ კვარტალში 32%-ით შემცირდა და მეორე კვარტალში 3.6 ტრილიონ დოლარს მიაღწია. შედარებისთვის, კრიპტო-დერივატულებით ვაჭრობის მოცულობამ 20.2 ტრილიონი დოლარი შეადგინა.

როგორც ჯენინგსმა აღნიშნა, საერთაშორისო დერივატივების ბაზარი ბოლო თვეებში ფაქტიურად „აფეთქდა“. მისი პროგნოზით, კრიპტო დერივატივებით ვაჭრობის მოცულობა 2025 წლის ბოლოსთვის 23 ტრილიონ დოლარამდე გაიზრდება. ტოპ მენეჯერის თქმით, ევროპაში ასევე დიდ პოპულარობას იძენს სტეიკინგიც. მან მაგალითად CoinLaw-ს მონაცემები მოიყვანა, რომელთა მიხედვითაც 2025 წელს ევროკავშირში ეთერიუმის სტეიკინგისთვის დეპოზიტების მოცულობა გასულ წელთან შედარებით 28%-ით გაიზარდა და 90 მილიარდ დოლარს მიაღწია.

„კრიპტოვალუტების პოპულარობის ზრდასთან ერთად, იზრდება მოთხოვნა ალტერნატიულ ფინანსურ ინსტრუმენტებზე, რომლებსაც რისკების მართვა შეუძლიათ, ხოლო კრიპტო დერივატივები მომხმარებლებს გრძელვადიანი ან მოკლევადიანი მოგების მისაღებად დახვეწილი სტრატეგიების განხორციელების შესაძლებლობას აძლევს.“ – დასძინა ჯენინგსმა.

Gemini-მ ახალი სერვისები მალტის ფინანსური მომსახურების ორგანოსგან (MFSA) ლიცენზიის მიღების შემდეგ აამოქმედა, რაც მას ევროკავშირის ქვეყნებიდან ტრეიდერებისთვის კრიპტო მომსახურების ფართო სპექტრის მიწოდების შესაძლებლობას აძლევს. MFSA-მ ბირჟას MiFID II ლიცენზია მაისში მიანიჭა, რის შედეგადაც მას ევროკავშირის პროფესიონალი ინვესტორებისთვის დერივატივებისა და მუდმივი ფიუჩერსების შეთავაზება შეუძლია.