Celsius-ის აქტივების აუქციონში მონაწილეობას Gemini და Coinbase მიიღებენ
კრიპტობირჟების Gemini-ისა და Coinbase-ის წარმომადგენელი ორგანიზაციები გაკოტრებული კრიპტოკრედიტორ Celsius-ის აქტივების გაყიდვის აუქციონში მიიღებენ მონაწილეობას.
აუქციონზე გატანილი აქტივები მაინინგ აღჭურვილობას, საკრედიტო პორტფელსა და რამდენიმე სტარტაპის წილებს მოიცავს. თავად აუქციონი 25 აპრილს გაიმართება.
კრიპტო ბირჟა Gemini-ის აუქციონზე კონსორციუმი Blockchain Recovery Investment Committee წარმოადგენს. ჟურნალისტების ცნობით, ბირჟა Coinbase-ის წარმომადგენელი კომპანია Fahrenheit იქნება.
აუქციონში მონაწილეობის პრეტენდენტი ამ დრომდე ერთადერთი კომპანია NovaWulf Digital Management იყო. მისგან წამოვიდა კრედიტორებისთვის სპეციალური პლატფორმის შექმნის ინიციატივა. აუქციონში გამარჯვების შემთხვევაში Fahrenheit Celsius-ის გადატვირთვასა და კონტროლის „კრიპტო ოპერატორთა სანდო ჯგუფისთვის“გადაცემას გეგმავს. Blockchain Recovery Investment Committee-ის კი წარმატების მოპოვების შემთხვევაში სამოქმედო გეგმა ჯერ არ გაუსაჯაროვებია.
Celsius-მა ფინანსური გადახდისუუნარობის (გაკოტრების) შესახებ განაცხადი გასული წლის ივლისში შეიტანა. კომპანიას რესტრუქტურიზაციის გეგმა ოთხ თვეში უნდა წარედგინა, თუმცა ვადის გახანგრძლივების მოთხოვნით სასამართლოს მალევე მიმართა. ცელსიუსის ხელმძღვანელობის სურვილია კენჭისყრა 30 ივნისამდე გადაიდოს. კრიპტო კრედიტორის იურისტების განმარტებით, გადავადებას კომპანიისთვის გადამწყვეტი მნიშვნელობა აქვს, რადგან ის პლატფორმას სიტუაციის უფრო სწრაფად და შეუფერხებლად მოგვარების შესაძლებლობას მისცემს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)