Gemini-მ თანხის გამოტანის შეფერხების შესახებ გამოაცხადა
კრიპტობირჟამ Gemini დაკრედიტების პლატფორმა Genesis-ის შეფერხების გამო, მომხმარებლები თანხების გამოტანის შესაძლო დაგვიანების შესახებ გააფრთხილა.
Gemini-ს განცხადების თანახმად, ბირჟის დაკრედიტების პარტნიორმა თანხების გატანა შეაჩერა და მომხმარებელთა წინაშე SLA (Service-level agreement) ხელშეკრულებით დაკისრებული მოვალეობების შესრულებას ბოლო ხუთი სამუშაო დღის განმავლობაში ვერ შეძლებს.
Genesis-ის მიერ ოპერირებული პროდუქტი Earn მომხმარებლებს დეპონირებულ კრიპტო აქტივებიდან პროცენტის მიღების შესაძლებლობას აძლევს.
ბირჟის განცხადებით, ის მჭიდროდ თანამშრომლობს Genesis-ის გუნდთან იმ კლიენტების დასახმარებლად, რომლებიც ცდილობენ Earn-ის პროგრამიდან კუთვნილი თანხები რაც შეიძლება სწრაფად გამოიტანონ.
დაპირების თანახმად, მომხმარებლებს დამატებით ინფორმაციას უახლოეს დღეებში მიაწვდიან. Gemini-ს გუნდის თქმით, შექმნილი პრობლემები „Gemini-ს სხვა პროდუქტებსა და სერვისებზე არ იმოქმედებს.“
მესამე კვარტლის დასასრულის მდგომარეობით, საინვესტიციო ბანკის Genesis Global Trading-ის საკრედიტო ფილიალი Genesis Global Capital, 2.8 მილიარდ დოლარზე მეტი საკრედიტო პორტფელის მქონე ინსტიტუციურ კლიენტთა ბაზას ემსახურება. მედიასთან კომენტარებში Genesis Global Trading-ის აღმასრულებელი დირექტორის მოვალეობის შემსრულებელმა დერარ ისლიმმა (Derar Islim) აღნიშნა, რომ Genesis-ს თანხების გამოტანასა და მომხმარებელთა მომსახურებასთან დაკავშირებით პრობლემები FTX-ის კრახის შემდეგ შეექმნა.
გასულ კვირას Genesis-მა განაცხადა, რომ მისმა დერივატივების განყოფილებამ FTX-ის სავაჭრო ანგარიშზე 175 მილიონი აშშ დოლარის ბლოკირებულ სახსრებზე წვდომა დაკარგა. FTX-ის კოლაფსით გამოწვეულმა პანიკამ Genesis-ის მომხმარებლებში პლატფორმიდან თანხების გატანის მასიური მოთხოვნა გამოიწვია, რამაც საბოლოოდ მის ამჟამინდელ ლიკვიდობას გადააჭარბა.
Genesis Global Trading-ს ლიკვიდობასთან დაკავშირებული პრობლემები ჯერ კიდევ ივნისში დაეწყო, როდესაც ცნობილი გახდა, რომ კონტრაგენტების Three Arrows Capital-ისა და Babel Finance-ის მიერ ლიკვიდობის დაკარგვის გამო კომპანიას შეეძლო ასობით მილიონი დოლარი ეზარალა.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)