by Maria 
Glassnode-ის ანალიტიკოსებმა ბიტკოინის უახლოესი პერსპექტივები შეაფასეს
ბიტკოინის ბაზარზე ინვესტორების მხრიდან მოთხოვნისა და ფასების დინამიკის კლება შეინიშნება. პლატფორმა Glassnode-ის ექსპერტების აზრით, აქტივისთვის უმნიშვნელოვანესი 108,600$-ის ნიშნულზე დარჩენაა, რათა 97,500$-მდე ვარდნა თავიდან იქნას აცილებული.
მათი მოსაზრებით, წამყვან კრიპტოვალუტებზე მოთხოვნის შემცირება ბაზრის მიერ ახალი კაპიტალის მოზიდვის სირთულეებით არის გამოწვეული, იმ ფონზე, როცა გრძელვადიანი ინვესტორები თავიანთი კრიპტო საფულეების განტვირთვას აგრძელებენ.
„მონეტების საშუალო დღიური რეალიზაციის ტემპის 30 დღიანი მცოცავი მაჩვენებელი 10 000 ბიტკოინიდან 22 000 ბიტკოინამდე გაიზარდა, რაც ბაზრის არასტაბილურობის ძირითად ფაქტორს წარმოადგენს.“- განმარტეს Glassnode-ში.
ამჟამად ოფციონების ბაზარმა მომატებული ვოლატილობით თავდაცვითი პოზიცია დაიკავა, რაც კურსის ფრთხილი აღდგენის წინა ფაზისთვის არის დამახასიათებელი.
საერთო ჯამში, ყველა გარემოება ბაზრის გარდამავალ ფაზაზე მიუთირთბს. მისი აღდგენა, სავარაუდოდ, ბაზრის მოთხოვნის განახლებასა და ვოლატილობის შემცირებაზე იქნება დამოკიდებული. ექსპერტები მიიჩნევენ, რომ ნდობის აღსადგენად და მიწოდების ათვისებისთვის კონსოლიდაციის უფრო ხანგრძლივი ფაზა იქნება საჭირო.
მანამდე, PlanB-ის ფსევდონიმით ცნობილმა ანონიმურმა კრიპტოანალიტიკოსმა განაცხადა, რომ ბიტკოინის ფასი ახალ პიკს მინიმუმ ორი-სამი წლის განმავლობაში ვერ მიაღწევს.
წყარო: https://insights.glassnode.com/the-week-onchain-week-42-2025/
სიახლეების გამოწერა
