ბიტკოინის მაინინგმა რეკორდულ შემოსავალს მიაღწია – მოცემულ მომენტში მაინერები დღეში დაახლოებით 52.3 მილიონ დოლარს გამოიმუშავებენ, რაც BTC-ის ფასისა და ტრანზაქციების საკომისიოს ზრდასთან არის დაკავშირებული.
Glassnode-ის მონაცემების თანახმად, ამ კვირაში ბიტკოინის მაინერების შემოსავალმა რეკორდულ მაქსიმუმს, დღეში 52.3 მილიონს მიაღწია. კომპანიის ანალიტიკოსების აზრით ეს ქსელისთვის სასიკეთოა.
მაინერების ბლოკის ჯილდო შეადგენს 6.25 BTC-ს (347477$) და საკომისიოს, რომელსაც მომხმარებლები ტრანზაქციებში იხდიან. ყოველ ოთხ წელიწადში, ბლოკის ჯილდო ორჯერ მცირდება. ბიტკოინის წინამორბედი ჰალვინგი 2020 წლის მაისში შედგა. როგორც Glassnode აღნიშნავს, მიუხედავად გასულ წელს ჯილდოს განახევრებისა, მაინერები განაგრძობენ მაღალი შემოსავლების მიღებას.
პირველ რიგში, ეს ბიტკოინის ფასის ზრდას უკავშირდება. ახლა მისი ფასი 56000-მდე დოლარს შეადგენს, წინა შაბათ-კვირას კი ფასმა 61000 დოლარს მიაღწია. ტრანზაქციებზე საკომისიოები ასევე იზრდება. გაიზარდა ბიტკოინის გაგზავნის ღირებულებაც, სულ უფრო მეტ ადამიანს აქვს ქსელის გამოყენების სურვილი, ეს კი იმას ნიშნავს, რომ მაინერებს შეუძლიათ მეტი გამოიმუშაონ.
Glassnode აღნიშნავს, რომ „ ქსელში ტრანზაქციებისთვის გადახდილი საკომისიოები, ასევე წარმოადგენენ ბაზრის მიმართულებისა და პრიორიტეტების საინტერესო მაჩვენებელს.“ ამჟამად, საკომისიოების 30% კრიპტოვალუტის ბირჟებიდან შემოდის.
გასული თვე წარმატებული აღმოჩნდა როგორც ბიტკოინის, ასევე ეთერიუმის მაინერებისთვის – მათ რეკორდული შემოსავალი მიიღეს. ამასთან აღასანიშნავია, რომ ეთერიუმის მოპოვების შედეგად მიღებულმა მოგებამ, ისტორიაში პირველად 1 მილიარდ დოლარს გადააჭარბა.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)