Golem ლეპტოპზე მაინინგისთვის აპლიკაციას გამოუშვებს

Golem ლეპტოპზე მაინინგისთვის აპლიკაციას გამოუშვებს

დეცენტრალიზებული ქსელი Golem Network აპლიკაცია Throg-ს აამოქმედებს, რომელიც Windows 10-ის მომხმარებლებს
ლეპტოპზე Golem-ის (GLM) მაინიგის შესაძლებლობას მისცემს.

Golem Network არის დეცენტრალიზებული გამოთვლითი ქსელი, რომელიც მოთხოვნის საფუძველზე ზედმეტ გამოთვლით სიმძლავრეს იმათ შორის ანაწილებს, ვისაც ის სჭირდება.

პლატფორმა გამოუშვებს აპლიკაცია Throg-ს, რომელიც ლეპტოპის მეშვეობით Windows-ის ბაზაზე Ethereum (ETH)-ის მაინინგის შესაძლებლობას იძლევა. აპლიკაციით სარგებლობისთვის მინიმალურ მოთხოვნას Windows 10 და 6 გიგაბაიტიანი ვიდეობარათის არსებობა წარმოადგენს. მიკროსქემების ნაკლებობის გამო ამჟამად ვიდეობარათებზე მოთხოვნა ძალიან მაღალია, თუმცა Golem-ის ბლოგზე ნათქვამია:

„თუ თქვენ არ გაქვთ მაღალი დონის გრაფიკული პროცესორი, Golem Network-ის გამოყენება ამოცანების ამოხსნისა და GLM-ის მიღებისთვის მაინც შეგიძლიათ.“

პროგრამა ფონის რეჟიმზე იმუშავებს და გამოთვლით სიმძლავრეებს ბლოკის ჯაჭვების შესაქმნელად გამოიყენებს.
მომხმარებლები ჯილდოს ეთერიუმის ნაცვლად ტოკენ GLM Golem-ში მიიღებენ. სისტემა აგრეგატორ Polygon-ზე მუშაობს,
რომელიც ტოკენ ERC-20 GLM-თან დაკავშირებული ტრანზაქციების საკომისიოს ამცირებს. Golem-ის აღმასრულებელი დირექტორის, პეტრ იანიუკის (Petr Yanyuk) განცხადებით, Thorg-ი Golem Network-ის ქსელის გასაფართოვებლად არის შემუშავებული. მომხმარებლებს პერსონალური კომპიუტერების გამოყენებით პასიური შემოსავლის მიღება შეეძლებათ.

თუმცა, აპლიკაციის გამოყენებით სახლის პირობებში მაინინგით ნამდვილად ვერ გამდიდრდებით. 6 გიგაბაიტიანი გრაფიკული ბარათის ჰეშრეითი წამში დაახლოებით 26 მეგაჰეშს შეადგენს, საშუალო დესკტოპის კომპიუტერი კი საშუალოდ 600 მეგავატ ელექტროენერგიას მოიხმარს. ამის გათვალისწინებით, ეთერიუმის მაინინგით მიღებული მოგება დღეში 0.06$ იქნება, ხოლო 1$-ის გამომუშავებას ერთი კვირა დასჭირდება.

პროექტი 2018 წელს ამოქმედდა და სტიმულის მომცემი გახდა Ethereum-ის ქსელის განვითარებისთვის. CoinGeko-ს თანახმად, Golem-ის (GLM) ფასი ამჟამად 0.47151$-ს შეადგენს.

წყარო: https://cointelegraph.com