Hyundai- ს შვილობილმა კომპანიამ, სათადარიგო ავტონაწილების მწარმოებელმა Hyundai MOBIS, ავტონაწილების ნამდვილობის შესამოწმებელი ახალი სისტემა – ხელოვნური ინტელექტისა და ბლოკჩეინის ბაზაზე დაფუძნებული MAPS – ჩაუშვა.
პლატფორმა MAPS გამოყენებული იქნება Hyundai-სა და Kia – ს მარკის ავტომობილების სათადარიგო ავტონაწილების გავრცელებისთვის. 200-ზე მეტ ქვეყანაში, 100 000 – მდე ადამიანი, მათ შორის 16 000 დილერი, მიწოდების ჯაჭვის მთლიან სისტემაზე მიიღებს წვდომას. სისტემა უზრუნველყოფს სამი მილიონი სხვადასხვა დეტალის შემოწმებას 300-მდე მოდელის ავტომობილისთვის.
ბლოკჩეინს ავტონაწილების ორიგინალობის შესამოწმებლად გამოიყენებენ. კომპანიას აღელვებს ის საკითხი, რომ ზოგიერთ ქვეყანაში ფალსიფიცირებულ დეტალებს იყენებენ, რამაც შესაძლოა პრობლემები გამოიწვიოს ავტომობილების უსაფრთხოების კუთხით. ბლოკჩეინის მეშვეობით ავტომობილის მფლობელს შეუძლია QR კოდის სკანირება ავტონაწილის შეფუთვაზე და მისი ნამდვილობის შემოწმება.
მეორე პრობლემა ისაა, რომ სარემონტო კომპანიები ორიგინალი ავტონაწილების ღირებულებას ახდევინებენ მომხმარებელს, მათ სანაცვლოდ კი ანალოგებს იყენებენ. მართალია, ამ შემთხვევაში დეტალები არ ქმნიან პრობლემას უსაფრთხოების კუთხით, მაგრამ მომხმარებელი იმას არ იღებს, რაშიც თანხა გადაიხადა.
ავტონაწილების ნამდვილობის შემოწმების გარდა, Hyundai მომავალში ბლოკჩეინის უფრო ფართო გამოყენებას ვარაუდობს ავტომობილების მომსახურებაში. სადაზღვევო კომპანიები ხშირად ორიგინალი დეტალების ღირებულებას ანაზღაურებენ, მაშინ როცა დეტალები ანალოგებითაა ჩანაცვლებული. მომავალში გამოყენებული ორიგინალი დეტალები ავტომობილის ტექნიკური მომსახურების აღწერას დაერთვება.
სარემონტო სახელოსნოში მანქანის ნომრის სკანირებისას აისახება ინფორმაცია მის ყველა დეტალზე. სარემონტო კომპანია ინფორმაციას ტექნიკურ მომსახურებაზე ავტომობილის ისტორიაში შეიტანს. ბლოკჩეინი შესაძლებელს გახდის ეს მონაცემები გადასცეს დილერს, სარემონტო სახელოსნოს, დამზღვევს, მწარმოებელსა და მესაკუთრეს. MAPS შესაძლებელს გახდის ასევე ავტონაწილების მიწოდების ნებისმიერი შეფერხების პროგნოზირებასაც.
შეგახსენებთ, რომ 2019 წლის ბოლოს Hdac Technology-მ, რომელიც Hyundai Motor Group-ის ბლოკჩეინზე არის სპეციალიზებული, განაცხადა, რომ 10 მილიონი დოლარის საინვესტიციო ფონდის შექმნას გეგმავს ბლოკჩეინის დაფინანსებისთვის. ამავე წელს ბლოკჩეინ Blocko-ზე ინფრასტრუქტურული გადაწყვეტილებების მომწოდებელი და საავტომობილო გიგანტი Hyundai-ს შვილობილი ქვეგანყოფილება მეორადი ავტომობილების ისტორიის საძიებო სისტემის შემუშავებას გეგმავდნენ.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)