ინდოეთში კრიპტოვალუტის ინვესტორები შეშფოთებულები არიან იმით, რომ ქვეყნის პარლამენტმა უნდა განიხილოს კანონპროექტი „კერძო“ კრიპტოვალუტების აკრძალვის შესახებ. კანონპროექტი სახელმწიფო მხარდაჭერით სარგებლობს.
გასული კვირის ბოლოს ცნობილი გახდა, რომ 2021 წლის კრიპტოვალუტისა და ოფიციალური ციფრული ვალუტის რეგულირების შესახებ კანონპროექტი, რომელსაც კანონმდებლები განიხილავენ, კრძალავს კრიპტოვალუტის გამოყენებას ინდოეთში და ქმნის საფუძველს ოფიციალური ციფრული ვალუტის შექმნისთვის, რომელიც გამოცემული იქნება ინდოეთის სარეზერვო ბანკის (RBI) მიერ.
როგორც ექსპერტები აღნიშნავენ, „კერძოდ“ ჩაითვლება ნებსმიერი ციფრული ვალუტა, რომელიც გამოშვებული იქნება არა სახელმწიფოს მიერ, მათ შორის ბიტკოინიც. ბუნდოვანია, რომელ კრიპტოვალუტებს შეეხებათ აკრძალვა, რადგან კანონპროექტი ითვალისწინებს რამოდენიმე დაუზუსტებელ გამონაკლისს, კრიპტოვალუტის და მისი გამოყენების საბაზო ტექნოლოგიების განვითარებისათვის.
მუმბაის კრიპტოვალუტის ბირჟის WazirX აღმასრულებელმა დირექტორმა ნიშალ შეტიმ (Nischal Shetty) გააკრიტიკა საკანონმდებლო ინიციატივა. მისი აზრით, „კერძო კრიპტოვალუტა არ არსებობს“ და კანონპროექტი ემსახურება ინდოეთის სარეზერვო ბანკისთვის (RBI) სახელმწიფო კრიპტოვალუტის გამოშვების გამარტივებას, სხვა ე.წ „კერძო“ კრიპტოვალუტების აკრძალვის ხარჯზე.
ნიშალ შეტის განცხადებით: „ისეთმა დიდმა ქვეყანამ, როგორიც ინდოეთია, ტექნოლოგიასთან დაკავშირებული კანონპროექტების პარლამენტში წარდგენამდე, სულ მცირე უნდა იმუშაოს შინაარსზე, რომელიც ტერმინოლოგიას უდევს საფუძვლად.“
მან ასევე დაამატა, რომ კანონპროექტი შესაძლოა არც დამტკიცდეს. შეტის აზრით, არასწორმა ან ნაჩქარევად შემოღებულმა წესებმა შეიძლება ქვეყანა ათი წლით უკან დააბრუნონ, სწორი რეგულაციები კი ქვეყანას ტექნოლოგიების განვითარების კუთხით წინა პლანზე წამოწევს. კანონპროექტის დამტკიცების შემთხვევაში, ინდოეთი ერთადერთი აზიური ქვეყანა იქნება, რომელიც აკრძალავს კერძო კრიპტოვალუტებს, მათი კორპორატიული აქციების მსგავსად რეგულირების ნაცვლად.
შეგახსენებთ, რომ 2018 წელს RBI-მა აუკრძალა ბანკებსა და საფინანსო ორგანიზაციებს მომსახურება გაეწიათ ფირმებისთვის, რომლებიც კრიპტოვალუტებთან მუშაობდნენ. თუმცა, 2020 წლის მარტში ინდოეთის უზენაისმა სასამართლომ RBI-ის ეს დირექტივა გააუქმა.
წყარო: https://bits.media/
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)