ინსტაგრამის ვარსკვლავს ბრალად გამომწერებისთვის 2.5 მილიონი დოლარის ბიტკოინის ქურდობა ედება
აშშ-ს იუსტიციის სამინისტრომ Instagram-ის მომხმარებელს ფსევდონიმით Jay Mazini, ბრალად მისი 1 მილიონზე მეტი გამომწერისთვის 2.5 მილიონი დოლარის ღირებულების ბიტკოინის ქურდობა წაუყენა.
ბრალდებულის ნამდვილი სახელი ჯაბარა იგბარაა (Jebara Igbara). ის თაღლითობას ეწეოდა და გამომწერებს ბიტკოინის შესყიდვას მიმდინარე კურსზე 3.5-5%-ით უფრო ძვირად სთავაზობდა, შემდეგ კი თანხას არ ურიცხავდა.
დადგინდა, რომ იგბარამ სულ 2.5 მილიონი დოლარის ღირებულების ბიტკოინი მიითვისა, თუმცა გამოძიება ჯერ კიდევ გრძელდება.
„მოცემულ მომენტში იგბარა ეჭვმიტანილია, ვიდრე ბრალდება სასამართლოს მიერ არ იქნება დამტკიცებული ის უდანაშაულოდ ითვლება. ბრალდების დამტკიცების შემთხვევაში მას 20 წლამდე თავისუფლების აღკვეთა ემუქრება.“- ნათქვამია სამართალდამცავი ორგანოების განცხადებაში.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)