ინსტიტუციონალები ოქროს  BTC-ს ამჯობინებენ

ინსტიტუციონალები ოქროს  BTC-ს ამჯობინებენ

JPMorgan-ის ანალიტიკოსების მტკიცებით, ბოლო რამდენიმე კვირის განმავლობაში BTC-ის ფასის ზრდა განპირობებულია
იმით, რომ ინსტიტუციონალები ინფლაციისგან დასაცავად ინვესტიციებს კრიპტოაქტივებში ახდენენ.

გამომცემლობა Business Insider-ის თანახმად, JPMorgan-ის ანალიტიკოსებმა ბოლო კვირების განმავლობაში BTC-ის
ფასის ზრდის სამი ძირითადი მიზეზი დაასახელეს. მათი აზრით, BTC-ის, როგორც ინფლაციისგან დაცვის საშუალების
როლის გაზრდამ შეასუსტა ოქროს ფასი, რომელიც თითქმის ორი წლის განმავლობაში უცვლელი იყო.

„ინსტიტუციონალური ინვესტორები BTC-ს უბრუნდებიან. სავარაუდოდ იმ მიზეზით, რომ ინფლაციისგან
დასაცავად ოქროზე უკეთეს საშუალებად მიიჩნევენ.“- აღნიშნავს JPMorgan.

ანალიტიკოსების მონაცემებით, ოქროდან BTC-ში ფულის გადინების ტენდენცია ბოლო რამდენიმე კვირაში განახლდა.
JPMorgan-მა ამ პერიოდში BTC-ის 40,000-დან  55,000$- მდე ზრდის გამომწვევი სამი ძირითადი ფაქტორი გამოავლინა:

1. ამერიკელი პოლიტიკოსების მხრიდან ბოლო დროს გაჟღერებული გარანტიები, რომ ისინი ჩინეთის მაგალითის
   გაზიარებას და კრიპტოვალუტების გამოყენებისა და მოპოვების აკრძალვას არ აპირებენ.
2. Lightning Network-ისა და გადახდებისთვის მეორე დონის გადაწვეტილებების პოპულარობის ზრდა, რასაც
   სალვადორში ბიტკოინის გადახდის კანონიერ საშუალებად შემოღებამ შეუწყო ხელი. 
3. ინფლაციასთან დაკავშირებით ინვესტორების შეშფოთებამ, რამაც მათი ბიტკოინის, როგორც ინფლაციისგან დაცვის საშუალების მიმართ ინტერესი განაახლა.

რადგან ბოლო თვეების მანძილზე ოქრო არ წარმოადგენდა ინფლაციისგან დაცვის საიმედო საშუალებას, ინვესტორები  ალტერნატიულ გადაწყვეტილებებს ეძებენ. ბანკის მონაცემებით, წლის დასაწყისიდან დღემდე ოქროს ETF-დან 10 მილიარდ დოლარზე მეტია ამოღებული, BTC-ის ფონდებში კი 20 მილიარდ დოლარზე მეტია განთავსებული. ინსტიტუციონალების
მიერ BTC-ში დაბანდებამ კრიპტოვალუტის საერთო ბაზარზე ამ აქტივის წილი 41%-დან 45%-მდე გაზარდა.

„BTC-ის დომინირების ზრდა ჯანსაღი ტენდენციაა, რადგან ის დიდი ალბათობით ინსტიტუციონალურ მონაწილეობას ასახავს.“- აცხადებს JPMorgan.

მიუხედავად იმისა, რომ BTC-ს ფასი ჯერ კიდევ 15%-ით დაბალია 65000$-ის ისტორიულ მაქსიმუმზე, რომელიც
მიმდინარე წლის აპრილის შუა რიცხვებში დაფიქსირდა, კრიპტოვალუტა წლის დასაწყისიდან 86%-ით გაიზარდა.
ამავდროულად, ოქრო წელს 7%-ით დაეცა.

წყარო: https://bits.media

ინსტიტუციონალები ოქროს  BTC-ს ამჯობინებენ