ინვესტორების 40 პროცენტი კრიპტოვალუტაში ინვესტიციას ზრდის

ლონდონის კრიპტოვალუტის ფონდის Nickel Digital Asset Management-ი მიერ ჩატარებული გამოკითხვის თანახმად, ინსტიტუციონალური
ინვეტორები 40% მზადაა 2023 წლისთვის კრიპტოვალუტებში ინვესტიციები გაზარდოს.

გამოკითხვა მაის-ივნისის პერიოდში აშშ-ს, დიდი ბრიტანეთის, საფრანგეთის, გერმანიისა და არაბეთის გაერთიანებულ საემიროებში 50 აქტივების
მმართველ და 50 ინსტიტუციონალურ კომპანიას შორის ჩატარდა. გაირკვა, რომ გამოკითხულთა 82% უახლოეს ორ წელიწადში ციფრულ აქტივებში
ინვესტირების გაზრდის შესაძლებლობებს განიხილავს. 

ინვესტორების 40%-მა ჩინეთში კრიპტოვალუტების აკრძალვისა და ბაზრის ვოლატილობის მიუხედავად, საკუთარ საინვესტიციო პორტფელში კრიპტოვალუტების
წილის გაზრდის მზაობა მკაფიოდ გამოთქვა. ამასთან, კუთვნილი კრიპტოვალუტების რაოდენობის შემცირებას  მონაწილეთა 7% აპირებს და მხოლოდ 1%-მა გამოთქვა
საკუთარი ციფრული აქტივების სრულად გაყიდვის სურვილი.

 Nickel Digital Asset Management-ის განცხადებით, გამოკითხული ინსტიტუციონალური ინვესტორების უმრავლესობა კრიპტოვალუტების მცირე რაოდენობას ფლობს,
რადგან ისინი ბაზრის მუშაობის პრინციპის შესასწავლად მის ტესტირებას ახდენდნენ. ბაზრის მკვეთრი დაცემის მიუხედავად რესპოდენტების 58%-ს მისი გრძელვადიან
პერსპექტივაში განვითარების სჯერათ, რაც მათი მხრიდან კრიპტოვალუტებში ინვესტირების გაზრდის მთავარი მიზეზი გახდა. ინვესტორების დაახლოებით 38% -ის
განცხადებით, მათ კრიპტოვალუტების, როგორც აქტივების კლასის მიმართ მეტი ნდობა მას მერე გაუჩნდათ, რაც ისინი მსხვილი კომპანიებისთვის ხელმისაწვდომი გახდა.

კანადაში, ბრაზილიაში და არაბეთის გაერთიანებულ საემიროებში უკვე ხელმისაწვდომია ბიტკოინის საბირჟო ფონდები (ETF). გარდა ამისა, ბევრი დიდი ბანკი კლიენტების
მხრიდან მზარდი მოთხოვნის დასაკმაყოფილებლად კრიპტოვალუტების მხარდაჭერის დამატებას გეგმავს. ინვესტორების 37%-მა განაცხადა, რომ სხვადასხვა კორპორაციების
მხრიდან ბიტკოინში ინვესტირება მათთვის მაგალითის მომცემია და ფულის კრიპტოვალუტაში დაბანდებას სწორედ ამ მიზეზით აპირებენ. Nickel Digital-ის აღმასრულებელი დირექტორის, ანატოლი კრაჩილოვის თქმით, დიდი ორგანიზაციების მხრიდან კრიპტოვალუტების მიმართ ნდობა იზრდება და მოსალოდნელია, რომ ეს ტენდენცია შენარჩუნდება.

„ივნისის დასაწყისში ჩვენმა კვლევამ აჩვენა, რომ საფონდო ბირჟებზე დარეგისტრირებულმა 19-მა კომპანიამ, რომელთა საბაზრო კაპიტალიზაცია 1 ტრილიონ დოლარს აღემატება, ბიტკოინში უკვე 6.5 მილიარდი დოლარი ჩადო.“- აღნიშნა კრაჩილოვმა.

კომპანია MasterCard-ის მაისის გამოკითხვის თანახმად კრიპტოვალუტების მიმართ ინტერესი განსაკუთრებით ახალგაზრდა თაობაში იზრდება.

წყარო: https://bits.media

ინვესტორების 40 პროცენტი კრიპტოვალუტაში ინვესტიციას ზრდის