ირანში 14 უკანონო მაინინგ ფერმა დახურეს
გასულ კვირას კრიპტოვალუტის უკანონო მოპოვების წინააღმდეგ ბრძოლის ფარგლებში ირანის ხელისუფლებამ სახელმწიფო ენერგეტიკულ კომპანია Tavanir-თან ერთად, 14 უკანონო სამაინინგ ფერმა გამოავლინა.
Bitcoin.com-ის ცნობით, რეიდის დროს არარეგისტრირებული სამაინინგო ფერმები თეირანში, აღმოსავლეთ აზერბაიჯანში, ისპაჰანსა და ხუზესტანში იქნა აღმოჩენილი. საცხოვრებელი კორპუსების სარდაფებში 277 ერთეული კრიპტოვალუტის მომპოვებელი მოწყობილობა იყო განთავსებული. მოხდა მოწყობილობების კონფისკაცია, მათ მფლობელებს კი ბრალი უკანონო მაინინგისთვის წაუყენეს.
შეგახსენებთ, რომ მაისში ელექტრო ქსელების გადატვირთვასთან დაკავშირებით, ირანის პრეზიდენტმა მაინინგ კომპანიებისთვის მუშაობის აკრძალვას მოაწერა ხელი. სექტემბერში ლიცენზირებული მაინერებისთვის შეზღუდვები მოიხსნა. ამავე დროს, გავრცელდა ინფორმაცია, რომ მთავრობამ 5000-ზე მეტი არალეგალური მაინინგ ფერმა დახურა. ერთ-ერთი ასეთი ფერმა თეირანის საფონდო ბირჟის სარდაფში აღმოაჩინეს.
წელს ირანის გენერალურმა პროკურატურამ კონფისკაციას დაქვედებარებული მოწყობილობების გამოყენება მანამდე აკრძალა, სანამ პარლამენტი არ გადაწყვეტს რა ზომები გაატაროს მათ მფლობელებთან მიმართებაში. Tavanir-მა ცოტა ხნის წინ მოსახლეობა ზამთრის თვეებში მზარდი მოხმარების გამო ელექტროენერგიის შესაძლო გათიშვის შესახებ გააფრთხილა.
„არალეგალური მაინერების მხრიდან ელექტროენერგიაზე გაზრდილმა მოთხოვნამ შესაძლოა ზამთარში მისი გათიშვა გამოიწვიოს, როგორც ეს ზაფხულში მოხდა.“
Tavanir-ის განცხადებით, არსებული ჯარიმები არალეგალური მაინინგის აღსაკვეთად საკმარისად მკაცრი არ არის და მთავრობას ზომების გამკაცრებისკენ მოუწოდა. რესპუბლიკის მასშტაბით არალეგალური მაინინგ ფერმების გაჩენა იურიდიული და ფიზიკური პირებისთვის ელექტროენერგიის ტარიფებში მნიშვნელოვანმა სხვაობამ გამოიწვია. Tavanir-ის მონაცემებით, ლიცენზირებული კომპანიები ყოველდღიურად დაახლოებით 400 მეგავატს მოიხმარენ, მაშინ როცა არარეგისტრირებული მაინერები 2000 მეგავატს.
წყარო: https://bits.media/
Blockchain, cryptocurrencies, Cryptonews, cryptonews.ge, DeFi, Ethereum, Ethereum 2.0, SOL, Solana, ბლოკჩეინი, დეცენტრალიზებული ფინანსები, ეთერიუმი, კრიპტოვალუტები, კრიპტონიუსი, კრიპტოსიახლეები
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)