IRS ბლოკჩეინის მეშვეობით კრიპტოაქტივების იმ მფლობელებს გამოავლენს, ვინც გადასახადებს თავს არიდებს
აშშ-ს შემოსავლების სამსახურმა (IRS) წამოიწყო პროგრამა კრიპტოვალუტების იმ მფლობელების გამოსავლენად, რომლებიც საკუთარ შემოსავლებს მალავენ. ამისათვის IRS-ის თანამშრომლები ბლოკჩეინის ანალიზს შეისწავლიან.
IRS-ის თაღლითობის წინააღმდეგ ბრძოლის განყოფილების ხელმძღვანელმა, დეიმონ პოუმ (Damon Rowe) განაცხადა, რომ Operation Hidden Treasure პროგრამის ფარგლებში, შემოსავლების სამსახური შემოსავლების არარეგისტრირებული წყაროების გამოვლენაზე იმუშავებს. პროგრამის მთავარი პრიორიტეტი კრიპტოვალუტების მფლობელების გამოვლენა იქნება, რომლებიც შემოსავლებს მალავენ.
Operation Hidden Treasure – არის თაღლითობასთან ბრძოლის განყოფილებისა და მისი სისხლის სამართლის საქმეთა გამოძიების ქვეგანყოფილების ერთობლივი პროგრამა. IRS აგენტებს ბლოკჩეინის ანალიზს შეასწავლის. ინიციატივის ფარგლებში IRS ასევე ითანამშრომლებს ევროპოლთან.
ცოტახნის წინ IRS-მა განაცხადა, რომ ინვესტორები არ არიან ვალდებულნი ფიატური ფულით შეძენილი კრიპტოაქტივების შესახებ ანგარიში ჩააბარონ იქამდე, სანამ არ მოხდება კრიპტოვალუტების გადაცვლა ან გაყიდვა. თუმცა, განაღდების ან ყოველდღიურად შეძენის შემთხვევაში, შემოსავალი დაექვემდებარება დაბეგვრას.
„ჩვენ გხედავთ“- ასეთია აშშ-ს შემოსავლების სამსახურის მესიჯი კრიპტოვალუტების მფლობელი ურჩი გადამხდელების მიმართ. ის მკაფიოდ მიანიშნებს, რომ ტრანზაქციები არ არის ანონიმური.
შეგახსენებთ, რომ გასული წლის შემოდგომაზე IRS-მა უკვე მეორედ დააგზავნა გამაფრთხილებელი წერილები იმის შესახებ, რომ კრიპტოვალუტების შემოსავლებსა და ოპერაციებზე სრული ინფორმაციის მითითება სავალდებულოა.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)