ჯანეტ იელენი „კრიპტოვალუტები განსაკუთრებული პრობლემაა სამართალდამცავი ორგანოებისთვის“

ეკონომისტმა და აშშ – ს ფინანსთა მინისტრის პოსტის კანდიდატმა ჯანეტ იელენმა შეშფოთება გამოთქვა ციფრული აქტივების დანაშაულებრივი მიზნებისთვის გამოყენების გამო.

სენატის სხდომაზე მისი კანდიდატურის განხილვის დროს იელენმა ხაზი გაუსვა, რომ კრიპტოვალუტები განსაკუთრებულ პრობლემად გადაიქცა სამართალდამცავი ორგანოების თანამშრომლებისთვის, რომლებიც ფულის გათეთრებისა და სხვა სახის ფინანსური დანაშაულებების წინააღმდეგ იბრძვიან.

ეს განცხადება აშშ – ს ფედერალური სარეზერვო სისტემის ყოფილმა თავმჯდომარემ სენატორ მეგი ჰასანის (Maggie Hassan) საპასუხოდ გააკეთა, რომელმაც ფინანსურ ტერორიზმთან დაკავშირებულ ახალ ტექნიკურ საშიშროებებზე დასვა შეკითხვა.

ჰასანი ასევე დაინტერესდა იელენის შეხედულებით ფინანსთა სამინისტროს როლზე მსგავს დანაშაულებებთან ბრძოლაში. სენატორმა ცალკე გამოყო კრიპტოვალუტა როგორც საფრთხე და იელენმა დაადასტურა ციფრული აქტივების ამგვარი ხედვა:

„ვფიქრობ, რომ ასეთი აქტივების უმეტესობა ძირითადად უკანონო ფინანსური ოპერაციებისთვის გამოიყენება. ყოველ შემთხვევაში ტრანზაქციების სახით.“

აშშ – ს ფინანსთა მინისტრის პოსტის კანდიდატმა ხაზი გაუსვა, რომ აუცილებელია სახელმწიფომ და სამართალდამცავმა ორგანოებმა ახალი გზები იპოვონ კრიპტოვალუტებისა და ციფრული პლატფორმების გზით ფულის გათეთრების აღმოსაფხვრელად.

შეგახსენებთ, რომ 2020 წლის ოქტომბერს აშშ – ს ფედერალურმა სარეზერვო სისტემამ და ფინანსურ დანაშაულთან ბრძოლის ქსელმა (FinCEN) სახელმწიფოს შესთავაზეს დაეწია სარეგისტრაციო ბარიერი აშშ – ს საზღვრებს გარეთ განხორციელებულ ფულად გადარიცხვებზე, მათ შორის კრიპტოვალუტის ტრანზაქციებზეც. 

წყარო: https://bits.media/