by Maria 
JPMorgan-ის ანალიტიკოსებმა წლის ბოლოსთვის ბიტკოინის ფასის პროგნოზი მოამზადეს
ოქროს ფასის ზრდის ფონზე ბიტკოინზე მოთხოვნაც კვლავ იზრდება. აშშ-ის ერთ-ერთი უდიდესი ბანკის, JPMorgan Chase-ის ანალიტიკოსების პროგნოზით, წლის დარჩენილი პერიოდისთვის ბიტკოინის ფასმა შესაძლოა 165,000 აშშ დოლარს მიაღწიოს.
ოქროსა და ბიტკოინის გაცვლით სავაჭრო ფონდებში (ETF) კაპიტალის შემოდინება კვლავ იზრდება. ამჟამად, ბიტკოინი ოქროსთან შედარებით ჯერ კიდევ არ არის სათანადოდ დაფასებული. ამ მიზეზით, ბანკის ანალიტიკოსები კრიპტოვალუტის რეკორდული ნიშნულის მიღწევის პოტენციალს პროგნოზირებენ.
JPMorgan-ის ექსპერტების აზრით, ბიტკოინსა და ოქროს შორის პირდაპირი კორელაცია როგორც მოკლევადიან (30 დღე), ისე გრძელვადიან (365 დღე) პერსპექტივაში კვლავაც ნარჩუნდება. ეს დინამიკა იმაზე მიუთითებს, რომ ბიტკოინი თანდათან ყალიბდება როგორც ოქროს ციფრული ეკვივალენტი – მიიჩნევენ ანალიტიკოსები.
JPMorgan-ის ექსპერტების განმარტებით, სულ უფრო მეტი კორპორატიული ინვესტორი BTC-ს როგორც ტრადიციულ ბაზრებზე ინფლაციისა და არასტაბილურობის პირობებში ლიკვიდურობის შენარჩუნების საშუალებას განიხილავს.
მათი მოსაზრებით, BTC-ის შემდგომი ზრდის მთავარი მამოძრავებელი ფაქტორი მსხვილი ფონდებისა და ბანკების მხრიდან საინვესტიციო პორტფელში ძვირფას ლითონებთან ერთად ბიტკოინის ჩართვის გაზრდილი მოთხოვნაა. ბიტკოინის სპოტ ETF-ების მასიური შესყიდვები დამატებით მიწოდების დეფიციტს ქმნის, რამაც ანალიტიკოსების აზრით, პირველი კრიპტოვალუტის ფასი 165,000 დოლარამდე და უფრო მაღლაც შეიძლება აწიოს.
წყარო: https://www.theblock.co/post/373241/jpmorgan-bitcoin-price-165000-debasement-trade
სიახლეების გამოწერა
