JPMorgan BTC-ის ყიდვა ბიტკოინის ფიუჩერსების ETF-ზე მომგებიანია

აშშ-ს უმსხვილესი ბანკის განაცხადებით, მიუხედავად იმისა, რომ ProShares Bitcoin Strategy ETF-მა (BITO)
პირველ დღეებში 1 მილიარდი დოლარის მოზიდვა შეძლო, მისი ინვესტორებისთვის ბიტკოინის პირდაპირ
შეძენა უფრო მომგებიანი იქნებოდა.

საბანკო ჰოლდინგი აღნიშნავს, რომ ბიტკოინის ფიუჩერსების ETF-ს დიდი ნაკლი აქვს, რომელმაც ფონდში დიდი
მოცულობის აქტივების ინვესტირების შემთხვევაში მისი მომგებიანობის შემცირება შეიძლება გამოიწვიოს.

„კონტანგომ ბიტკოინის ფიუჩერსების მრუდზე ამ ფონდების მომგებიანობა მათი გადატანის ღირებულების ხარჯზე შეიძლება შეამციროს. გადატანის ღირებულებამ შესაძლოა ფონდების მართვის საკომისიოს ბევრად გადააჭარბოს და კიდევ უფრო გაიზარდოს, თუ ეს პროდუქტები მათი ბაზარზე ზეგავლენის გამო მნიშვნელოვან აქტივებს მოიზიდავენ.“

ბანკის განმარტებით, ეს იმის გამო მოხდება, რომ ETF არ ფლობს ბიტკოინებს, როგორც ძირითად აქტივს. ამის ნაცვლად,
ETF ფლობს ბიტკოინის წარმოებულებს, რომლებიც ფიუჩერსული კონტრაქტების მეშვეობით კრიპტოვალუტის
ომგებიანობის პროფილთან  შესაბამისობაში ყოფნას ცდილობენ. ბიტკოინის ფიუჩერსების პორტფელის მართვისთვის, რომელიც
კრიპტოვალუტის ფასების ცვლილებასთან მჭიდრო კავშირშია, ETF-მა ფიუჩერსული კონტრაქტები მომდევნო თვემდე, უშუალოდ ვადის ამოწურვამდე რეგულარულად უნდა გადაიტანოს. ეს მიდგომა ქმნის სხვადასხვა სავაჭრო ხარჯებს და ნაკლებად ეფექტურია, ვიდრე უბრალოდ ბიტკოინის შეძენა და შენახვა.

JPMorgan-ის თანახმად, ფიუჩერსული კონტრაქტების პროლონგაციის საშუალო წლიური ღირებულება 2019 წლის შუა
რიცხვებიდან დაახლოებით 9%-ს შეადგენდა, რაც თითქმის 10-ჯერ აღემატება ProShares Bitcoin Strategy ETF-ის წლიურ
ხარჯის კოეფიციენტს, რომელიც 0,95% შეადგენს. ამ მაჩვენებელს შეუძლია დროთა განმავლობაში ინვესტორებს იმედი
გაუცრუოს, რადგან ისინი ბიტკოინის პირდაპირ ინვესტორებს შემოსავლის თვალსაზრისით მნიშვნელოვნად ჩამორჩებიან.

ბანკის განცხადებით, ETF-ის დროში გაწელილი ვოლატილობა არის კარგი მაგალითი იმისა, თუ როგორ შეიძლება შემცირდეს გრძელვადიანი მოგება, სავაჭრო ფიუჩერსებთან დაკავშირებული ხარჯების ზრდის ხარჯზე. რადგან, რაც უფრო მეტი გრძელვადიანი ინვესტორია, მით უფრო ძვირი ხდება მათი შენარჩუნება თავად ETF-ების ბაზარზე ზეგავლენის გამო.

ბიტკოინის ფიუჩერსების წარმატებულ ETF-ში ინვესტირებას ყველა ინვესტორი არ ესწრაფის. კეტრინ ვუდის (Ark Invest) განცხადებით, მისი კომპანია ბიტკოინის ფიუჩერსების ETF-ებს მანამ შეისწავლის, სანამ არ დაინახავს მოწესრიგებულ სვლას, ღირსეული ორმხრივი ლიკვიდობით და ნაკლები კონტანგოთი. ამასთან, Fundstrat Global Advisors-ის თანადამფუძნებელი ტომ ლი თვლის, რომ ბიტკოინის ETF-ებზე მოთხოვნა მაღალი იქნება, დიდხანს გასტანს და ფონდი 50 მილიარდამდე დოლარის მოზიდვას შეძლებს.

წყარო: https://bits.media

JPMorgan BTC-ის ყიდვა ბიტკოინის ფიუჩერსების ETF-ზე მომგებიანია