JPMorgan-ის მონაცემებით, 2021 წლის პირველ კვარტალში ბიტკოინში საცალო ინვესტიციების მოცულობამ გადააჭარბა ინსტიტუციონალური ინვესტორების დაბანდებებს, რომლებმაც კრიპტოვალუტის ყიდვა შეამცირეს.
JPMorgan-ის სტრატეგის, ნიკოლაუს პანიგირცოგლუს (Nikolaos Panigirtzoglou) ანგარიშის მიხედვით, 2021 წლის პირველ კვარტალში, საცალო ინვესტორებმა გაზარდეს კრიპტოვალუტაში ინვესტიციები, ინსტიტუციონალური ინვესტიციების აშკარა კლების ფონზე. CoinDesk-ის ცნობით, ინსტიტუციონალური ინვესტიციების კლება, შესაძლოა იყოს ერთ-ერთი მიზეზი იმისა, რომ ბიტკოინმა ვერ შეძლო 60000$-ის ნიშნულზე ზევით გაჩერება.
საცალო ინვესტიციების ზრდა განსაკუთრებით არის მომატებული აშშ-ში, ეკონომიკის სტიმულირების ფარგლებში მოქალაქეებისთვის კომპენსაციების გადახდის (coronavirus stimulus checks) ახალი რაუნდის ფონზე.
JPMorgan-ის შეფასებით, I კვარტალში საცალო ინვესტორებმა 187000-ზე მეტი BTC შეიძინეს, ინსტიტუციონალურმა ინვესტორებმა კი 172684 BTC. ინსტიტუციონალები გაცილებით უფრო აქტიურები იყვნენ გასულ კვარტალში და საცალო ინვესტორებს ბევრად უსწრებდნენ. ახლა კი ორივეს საინვესტიციო მოცულობა ერთმანეთს გაუთანაბრდა.
წყარო: https://www.coindesk.com
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)