Chainalysis-ის მონაცემებით, თაღლითობის, გამომძალველი პროგრამებისა და დარკნეტზე არსებულ ბაზრებზე მოპოვებული კრიპტოვალუტების ნახევარზე მეტის დეპონირება სულ ხუთ ძირითად სერვისზე ხდება.
ანალიტიკური კომპანია Chainalysis-ის ანგარიშის თანახმად, არსებული არაკანონიერად მოპოვებული კრიპტოაქტივების 55%-ის გათეთრება, ხუთი ძირითადი სერვისის მეშვეობით ხდება, დაახლოებით 270 უნიკალური სადეპოზიტო მისამართის მეშვეობით.
მკვლევარები მივიდნენ დასკვნამდე, რომ უკანონოდ მოპოვებული კრიპტოვალუტების უმსხვილესი გადამამუშავებლები, რომლებიც წელიწადში 25 მილიონ დოლარზე მეტი შემოსავალი აქვთ, განზრახ უწევენ მომსახურებას დამნაშავეებს, რადგან მათ გარეშე მუშაობას ვერ შეძლებენ. სადეპოზიტო მისამართების გამოვლენამ და მათი მფლობელების სამართლებლივმა დევნამ, შესაძლოა შეაჩეროს ინფრასტრუქტურის დიდი ნაწილის მუშაობა, რომელიც ამჟამად კრიპტოაქტივების გათეთრებისთვის გამოიყენება.
Chainalysis თანამშრომლობს კრიპტოვალუტის ბირჟებთან და სამართალდამცავ ორგანოებთან, იმ საფულეების მისამართების გამოსავლენად, რომლებიც ფიშინგისთვის და სოციალურ ქსელებში თაღლითობისთვის გამოიყენება. თანამშრომლობა ასევე მოიცავს გამომძალველი პროგრამების, დარკნეტის მომხმარებლებისა და სხვა დამნაშავეების გამოვლენას და მათთან ბრძოლას.
კომპანიები თვალს ადევნებენ კრიპტოაქტივების გადაადგილებას რამდენიმე საფულის ან ბირჟის გავლით საბოლოო მისამართამდე. ამ მისამართებს სხვა მომხმარებლების იდენტიფიკაციისთვის იყენებენ, რაც მკვლევარებს საშუალებას აძლევთ ფულის გათეთრების ინფრასტრუქტურაზე არასრული, თუმცა მნიშვნელოვანი ინფორმაცია მიიღონ.
Chainalysis-მა კონკრეტული ბრალდებების წარდგენის გარეშე, ფულის გათეთრების სქემის მნიშვნელოვან ელემენტებად „ჩამონტაჟებული სერვისები“ დაასახელა, Paxos-ში itBit-ის და HitBTC-ში Changelly-ის ჩათვლით.
იანვარში Chainalysis-მა განაცხადა, რომ გასულ წელს უკანონო საქმიანობასთან დაკავშირებული ტრანზაქციები საგრძნობლად შემცირდა. 2019 წელს მაჩვენებელი 2.1%-ს შეადგენდა, ხოლო 2020 ში კი 0.34%-ს. ამასთან, 2020 წელს დამნაშავეებმა DeFi-ის პროტოკოლების მეშვეობით 34 მილიონი დოლარის კრიპტოაქტივების გათეთრება შეძლეს.
წყარო: https://bits.media
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)