ყაზახეთი რეგისტრირებულ მაინერებს არ შეზღუდავს

ყაზახეთი რეგისტრირებულ მაინერებს არ შეზღუდავს

ყაზახეთის ენერგეტიკის სამინისტრო ე.წ „თეთრი“ მაინინგ ფერმების საქმიანობას არ შეზღუდავს, სამაგიეროდ  ქვეყანაში არალეგალურად მომუშავე მაინერების

წინააღმდეგ მიიღებს ზომებს.

ყაზახეთის რესპუბლიკის ენერგეტიკის სამინისტროს პრესსამსახურის ინფორმაციით, დეპარტამენტმა კრიპტოვალუტების მოპოვებით დაკავებული

პირების ენერგომომარაგებასთან დაკავშირებით შეხვედრა გამართა. დისკუსიას ესწრებოდნენ ყაზახეთის ბლოკჩეინ ტექნოლოგიების ასოციაცია (KABT),

ბლოკჩეინის, დატაცენტრებისა და ტექნოლოგიების ინდუსტრიის ასოციაცია, ყაზახეთის ციფრული განვითარების, ინოვაციების და აერონავტიკის ინდუსტრიის სამინისტრო,

ასევე „ელექტრო ქსელების მართვის ყაზახური კომპანიის“ (KEGOC) ხელმძღვანელობა. 

ყაზახეთის ენერგეტიკის მინისტრის მაგზუმ მირზაგალიევის განაცხადებით, ის სამაინინგო ფერმები, რომლებიც ქვეყნის კანონმდებლობის შესაბამისად მუშაობენ 

ბიზნეს სუბიექტებად ითვლებიან. ლეგალური მაინინგ ფერმები ჰეშრეითის 70%-ის გენერირებას ახდენენ და სახელმწიფო ბიუჯეტში წელიწადში დაახლოებით 230 მილიონი

დოლარი შეაქვთ. ამიტომ, მათ მიმართ დისკრიმინაცია არ უნდა იყოს, განმარტა მარზაგალიევმა. რეგისტრირებულ მაინერებს  მთავრობის შეზღუდვები არ შეეხებათ და არ მოხდება

მათი გათიშვა ელექტრო ქსელიდან. თუმცა, მათი საქმიანობა ქვეყნის ენერგეტიკულ უსაფრთხოებას არ უნდა არღვევდეს.

თავის მხრივ, ასოციაციების ხელმძღვანელებმა  არა მხოლოდ შიდა, არამედ იმპორტირებული ელექტროენერგიის შეძენის შესაძლებლობები განიხილეს. მათ ასევე გამოთქვეს მზადყოფნა

ინვესტიციები  განახლებადი ენერგიის წყაროების განვითარებაში განახორციელონ.

„ბლოკჩეინისა და კრიპტოვალუტის ინდუსტრიას დიდი პოტენციალი აქვს. ამიტომ, მე „თეთრ მაინერებს“ ინდუსტრიის განვითარებისა და ქვეყნის ელექტროენერგეტიკული

სისტემის საიმედოობის უზრუნველსაყოფად „დიალოგში შესვლას“ და ძალების გაერთიანებას ვთავაზობ.“-განაცხადა მირზაგალიევმა.

ყაზახეთის ენერგეტიკის სამინისტრო აპირებს დამატებითი ზომები ე.წ „ნაცრისფერი“ მაინერების წინააღმდეგ მიიღოს, რომლებიც თავს სხვა საქმიანობას აფარებენ და

ელექტროენერგიას კრიპტოვალუტების მაინინგისთვის მოიხმარენ . საქმიანობის გასაგრძელებლად მათ ბიზნესის რეგისტრაცია მოუწევთ.

„საჭიროა ბრძოლა არალეგალურ მაინინგთან. თუ სამთავრობო უწყებები და ინდუსტრიული ასოციაციები ძალებს გააერთიანებენ, შესაძლებელი იქნება თვალსაჩინო

შედეგების მიღწევა.“- განაცხადა ალან დორჯიევმა, ბლოკჩეინისა, დატაცენტრებისა და ტექნოლოგიების ინდუსტრიის ასოციაციის თავმჯდომარემ.

შეხვედრის მონაწილეებმა ხელი მოაწერეს ერთობლივ ოქმს მოაწერეს, რომლის მიხედვითაც ყაზახი მაინერებისთვის ელექტროენერგიის დეფიციტის შემთხვევაში შეზღუდვები არ

დაწესდება. პროტოკოლი ასევე გულისხმობს კრიპტოვალუტების მაინინგის საკანონმდებლო ბაზის შემუშავების დაჩქარებას და განახლებადი ენერგიის წყაროების განვითარებისთვის

ინვესტიციების მოზიდვას რეგისტრირებული მაინერებისგან  ელექტროენერგიის შესყიდვის გარანტიით.

წყარო: https://bits.media

 

Bitcoin Mining, Cryptocurrancies, Cryptonews, cryptonews.ge, Green minig, Mining, Regulatios, ბიტკოინ მაინინგი, კრიპტო მაინინგი, კრიპტონიუსი, კრიპტოსიახლეები, მაინინგი, მაინინგის რეგულირება