კომპანია Luxor ბიტკოინის ჰეშრეითის ზრდას პროგნოზირებს

კომპანია Luxor ბიტკოინის ჰეშრეითის ზრდას პროგნოზირებს

სამაინინგო კომპანიას Luxor მიაჩნია, რომ ჩინეთში მაინინგის აკრძალვის შედეგები უკვე დაძლეულია და მომავალში,
ბიტკოინის ჰეშრეითი მხოლოდ გაიზრდება.

Luxor Technologies-ის მოხსენებაში ნათქვამია, რომ კრიპტოვალუტების რენტაბელობის ერთ-ერთი ძირითადი ფაქტორი –
ჰეშრეითი, მეოთხე კვარტალში 185 EH/s-მდე გაიზრდება.

„შიში, გაურკვევლობა, ეჭვი (FUD) ჩინეთის მხრიდან ბიტკოინის კონტროლის გამო აღარ iარსებებს, ამიტომ ბიტკოინის ჰეშრეითი ისტორიულ მაქსიმუმს მიაღწევს.“

ივლისში ჩინეთის მიერ კრიპტოვალუტის მოპოვების აკრძალვის გამო ბიტკოინის კურსი და ჰეშრეითი შემცირდა.
მაინერებმა ჩინეთი დატოვეს და აღჭურვილობა გადაიტანეს მაინინგის მიმართ დადებითად განწყობილ ქვეყნებში,
როგორიცაა აშშ და ყაზახეთი და ფასმაც აღდგენა დაიწყო. სამომავლოდ, შეერთებული შტატები შესაძლოა ბიტკოინის
მოპოვების ბაზრის მთავარი მოთამაშე გახდეს, ნათქვამია Luxor-ის მოხსენებაში.

კომპანია ხაზგასმით აღნიშნავს იმას, რომ ჩინეთში მაინინგის აკრძალვამ ინდუსტრიაში შესვლის უნიკალური
შესაძლებლობა მისცა ისეთ კომპანიებს, რომლებსაც ამაზე არ უფიქრიათ.

Luxor-ის ანგარიში ასევე შეიცავს პროგნოზს, რომლის მიხედვითაც მეოთხე კვარტალში ყველაზე ძვირადღირებული
ASIC მაინერების ფასები ყველა დროის მაქსიმალურ მაჩვენებელს მიაღწევს. ამასთან, ტრანზაქციების საკომისიოს
ხარჯზე მიღებული შემოსავალი სულ მცირე გაორმაგდება, „ჰეშის ფასი“ კი წლიურ მაქსიმუმს გაუტოლდება, თუმცა
წამში ერთი ტერაჰეშისთვის 0.5$-ს არ გადააჭარბებს.

ბიტკოინის ჰეშრეითის ზრდას მხოლოდ  Luxor არ აღნიშნავს. Glassnode-ის ანალიტიკოსების აზრით, ბიტკოინი
პრაქტიკულად აღდგა მას შემდეგ, რაც ქსელის სიმძლავრის 50% გამორთული იყო. ფასების თვალსაჩინო კორექტირების მიუხედავად, ბიტკოინის მოპოვების სირთულე სწრაფად იზრდება, მაგრამ, 2021 წლის მაისის რეკორდული მაჩვენებლისგან
ჯერ კიდევ შორს არის.

სიტუაციას ართულებს ის, რომ ჩინეთში კრიპტოვალუტის აკრძალვასთან დაკავშირებით,  ჩინელი მაინერების მომსახურება უმსხვილესმა სამაინინგო პულმა F2Pool შეაჩერა. თუმცა იმ შემთხვევაშიც კი, თუ სხვა ჩინური პულები მის მაგალითს გაიზიარებენ, ეს ბაზარზე მნიშვნელოვან გავლენას ვეღარ მოახდენს, რადგან სიმძლავრეების უდიდესი ნაწილი ჩინეთიდან უკვე გასულია.

წყარო: https://bits.media

კომპანია Luxor ბიტკოინის ჰეშრეითის ზრდას პროგნოზირებს