Kraken აშშ-ს საგადასახადო სამსახურს მომხმარებელთა მონაცემებს გადასცემს
ამერიკულმა კრიპტოვალუტის ბირჟამ Kraken დაადასტურა, რომ უკვე მომდევნო თვიდან აშშ-ს საგადასახადო სამსახურისთვის მომხმარებელთა მონაცემების გაზიარებას აპირებს.
ივლისში კალიფორნიის ჩრდილოეთ ოლქის ფედერალურმა სასამართლომ აშშ-ს შემოსავლების სამსახურის (IRS) მიერ Kraken-ის მომხმარებლების შესახებ ინფორმაციის მიღების მოთხოვნა დააკმაყოფილა.
„სასამართლოს დადგენილებით გათვალისწინებული ინფორმაციის გაზიარებას Kraken 2023 წლის ნოემბრის დასაწყისში გეგმავს.“ – ნათქვამია კრიპტო ბირჟის მიერ აშშ-ს მომხმარებლებისთვის გაგზავნილ ელექტრონულ წერილში.
IRS-სა და Kraken -ს შორის დაპირისპირება 2021 წლის მაისში დაიწყო, როდესაც სასამართლომ საგადასახადო სამსახურს ნება დართო ბირჟისთვის იმ ადამინების მხილება მოეთხოვა, რომლებიც გადასახადებს თავს არიდებენ. IRS-ის მაშინდელი განცხადების თანახმად, Kraken მას არ დაემორჩილა.
2023 წლის თებერვალში, საგადასახადო სამსახურმა სარჩელი სასამართლოს გადაწყვეტილების აღსრულების მოთხოვნით შეიტანა. ფედერალურმა სასამართლომ კი კრიპტო ბირჟას IRS-ისთვის მომხმარებელთა შესახებ ინფორმაციის გადაცემა დაავალა.
Kraken-ს 2016-დან 2020 წლამდე პერიოდში იმ მომხმარებლების მონაცმთა გადაცემა დაეკისრა, რომელთა ტრანზაქციებიც 20000$-ს აღემატება. ინფორმაცია მოიცავს სახელებს, დაბადების თარიღებს, გადასახადის გადამხდელის საიდენტიფიკაციო ნომრებს, ტელეფონის ნომრებს, საფოსტო მისამართებს, ელექტრონული ფოსტის მისამართებს და ტრანზაქციების ისტორიას ხუთივე წლის განმავლობაში.
IRS-მა ასევე მოითხოვა უფრო ვრცელი ინფორმაცია, მათ შორის მომხმარებელთა IP მისამართები, დასაქმება და საბანკო ინფორმაცია.
ამჟამად კლიენტების რაოდენობა, რომელთა მონაცემებს Kraken საგადასახადო ორგანოებს გადასცემს 42 017-ს შეადგენს.
- გამოგვეყვით ტელეგრამზე t.me/cryptonewsgeorgia
- დაემატეთ ჩვენს ჯგუფში Fb.me/groups/cryptonewsgeorgia
Comments (No)